[:ka]
“ბუჩელატმა”, ჩინეთის საკუთრებაში არსებული იტალიურ საიუველირო და საყოფაცხოვრებო კომპანიამ, განაცხადა, რომ მომავალი ხუთი წლის განმავლობაში კომპანიის შემოსავალი 10-ჯერ გაიზრდება, ხოლო ათი წლის შემდეგ აზიის რეგიონში მათი მოგება 20-ჯერ გაიზრდება.
“ბუჩელატი” ერთ-ერთი ყველაზე პრესტიჟული საიუველირო კომპანიაა იტალიაში. 98 წლის ბრენდი თავისი დიზაინითა და ოსტატობით მთელს მსოფლიოშია ცნობილი. ბრენდი ერთ-ერთია საკუთარ სფეროში, რომელიც მაღალი დონის ინდივიდუალურ მომსახურებას სთავაზობს კლიენტებს. “ბუჩელატი” შედის ისეთი წამყვანი სამკალულების ბრენდის კომპანიათა სიაში, როგორიცაა “ჰარი ვინსტონი” და “გრაფი”.
საიუველირო კომპანიამ საკუთარი პირველი მაღაზია ჩინეთის შუაგულში, შანხაის Plaza 66-ში, გახსნა. Plaza 66 არის შანხაის ყველაზე ძვირადღირებულ ბრენდთა ჰაბი, სადაც თავმოყრილია Cartier-ის, Van Cleef & Arpels-ისა და Bvlgari-ის მაღაზიები.
ჩინეთის ძვირფასი ქვებისა და საიუველირო სავაჭრო ასოციაციის მონაცემების მიხედვით, 2015 წელს ჩინეთი გახდა მსოფლიოში სიდიდით მეორე საიუველირო სამომხმარებლო ბაზარი ამერიკის შეერთებული შტატების შემდეგ. 2016 წელს ჩინეთში საიუველირო გაყიდვების საერთო რაოდენობამ 520 მილიარდ იუენს მიაღწია. 2018 წლისთვის კი ამ მაჩვენებლის ბევრად გაზრდას ვარაუდობენ.
[:]
