[:ka]ჩინეთი გლობალურ ინტერნეტ-ინდუსტრიაში მოწინავე ადგილს იკავებს.
13 სექტემბერს, ოთხშაბათს, გამოქვეყნებულ ანგარიშში ბოსტონის კონსალტინგ ჯგუფმა (BCG), Baidu – ს განვითარებადი კვლევის ცენტრმა და Didi Policy Research – მა განაცხადეს, რომ ჩინეთის ინტერნეტ-ეკონომიკა მასშტაბური, უნიკალური, ძლიერი, სწრაფად მზარდი და განვითარებადი სფეროა, რაც ძირითადად, განპირობებულია ინტერნეტის მახასიათებლებით. ასევე, ანგარიშში ნათქვამია, რომ ჩინეთის ინტერნეტ-მახასიათებლებმა გავლენა იქონია ჩინური კომპანიების საზღვარგარეთ გაფართოებაზე. ჩინეთის ინტერნეტ-გიგანტებმა და ახალბედა ინტერნეტ-კომპანიებმა მეტი გავლენა მოიპოვეს საერთაშორისო ინტერნეტ-ბაზარზე. უნდა აღინიშნოს ისიც, რომ მსოფლიოს unicorn-თა 29 პროცენტი ჩინეთშია დაფუძნებული, რაც გლობალური საბაზრო ღირებულების 41% – ს შეადგენს. განცხადებაში ასევე ნათქვამია, რომ 30 ივნისს ჩინეთმა მსოფლიოს 10 საუკეთესო კომპანიათა რეიტინგში მე-5 ადგილი დაიკავა და მეტად დაუახლოვდა Google – ს, Amazon – სა და Facebook – ს.
2016 წელს ინტერნეტ-მომხმარებელთა რიცხვის რაოდენობით ჩინეთმა მოწინავე პოზიცია დაიკავა. ინტერნეტ-ინდუსტრიის შემოსავალმა 967 მილიარდ აშშ დოლარს მიაღწია. მეორე და მესამე ადგილი ჩინეთის შემდეგ ამერიკის შეერთებულმა შტატებმა და გერმანიამ დაიკავეს. გარდა ამისა, გასულ წელს ინტერნეტ-ინდუსტრიის მთლიანი შიდა პროდუქტის შემოსავალი 6,9% – ით გაიზარდა.
ამერიკის შეერთებულ შტატებთან შედარებით, ჩინეთის ინტერნეტ-ეკონომიკა უფრო მეტად ელექტრონულ კომერციასა და ინტერნეტ-ფინანსებზეა კონცენტრირებული. ისეთ სფეროებს, როგორიცაა საჯარო, ადგილობრივი სამსახური და ონლაინ-მოგზაურობა ნაკლები ყურადღება ექცევა. კიდევ ერთი განმასხვავებელი არის ის, რომ ჩინეთში ინტერნეტ-მომხმარებელთა საშუალო ასაკი 28 წელია, ამერიკაში კი _ 42 წელი.
[:]
კომენტარის დატოვება
კომენტარის დასატოვებლად უნდა გაიაროთ ავტორიზაცია.