დღეისათვის ჩინეთში იშვიათად თუ შეხვდებით ნაღდ ფულს, ვინაიდან რევოლუციურმა ონლაინ გადახდის სისტემამ მისი ჩანაცვლება ძალიან სწრაფად მოახდინა. ამაში კი განსაკუთრებით დიდი წვლილი მიუძღვის ჩინეთში ყველაზე ხშირად გამოყენებულ გადახდის აპლიკაციებს Alipay-სა და WeChat-ს.
Alipay არის Alibaba ჯგუფის ონლაინ გადახდის პლატფორმა, რომელსაც ამჟამად იყენებს 1 მილიარდი აქტიური მომხმარებელი. ხოლო რაც შეხება WeChat-ს ის ერთგვარი მესენჯერის ტიპის აპლიკაციაა, რომელსაც დამატებული აქვს მობილური გადახდის მხარდაჭერა, რომელსაც ამჟამად 1.1 მილიარდი აქტიური მომხმარებელი ყავს. მისი გამოყენება ძალიან მარტივია, მხოლოდ საჭიროა ჩამოტვირთოთ აპლიკაციები და გქონდეთ ჩინური ბანკის ბარათი. აპლიკაციაში ხდება ბარათის ინფორმაციის შეტანა. ბარათის დამატების შემდეგ ყველა მომხარებელს ენიჭება QR კოდი, რომლის საშუალებითაც შესაძლებელია გადახდა.
აპლიკაციაში ორი ღილაკია განთავსებული: ერთია-სკანირება და მეორე-გადახდა. სკანირების ღილაკის გამოყენებით თქვენ უნდა დაასკანეროთ რომელიმე კონკრეტული მაღაზიის, რესტორნისა თუ სასტუმროს QR კოდი და გადაიხადოთ შესაბამისი თანხა, რომელსაც თავად მიგითითებთ დაწესებულება.
ხოლო მეორე ღილაკის- გადახდის გამოყენებით ესა თუ ის დაწესებულება თავად მოახდენს თქვენი QR კოდის სკანირებას და ავტომატურად ჩამოგაჭრით მომსახურებისა და პროდუქტის საფასურს. გარდა ამისა, აღნიშნული აპლიკაციები შესაძლებლობას იძლევა ფული გადაურიცხოთ თქვენს მეგობრებს, ახლობლებსა და სხვა.
დღეს იშვიათად თუ შეხვდებით ჩინეთში ისეთ ადამიანს, რომელსაც Alipay-სა და WeChat-ის აპლიკაციები არ აქვს და არ სარგებლობს ელექტრონული გადახდის სისტემით. QR კოდებს შეხვდებით ყველგან, როგორც დიდ და მსხვილ სავაჭრო ობიექტებში, ასევე ქუჩის მარკეტებში, ბაზრებში, ყვავილების მაღაზიაში და სხვა. რაოდენ გასაკვირიც არ უნდა იყოს ქუჩაში მოწყალების მთოვნელ ადამიანებსაც უდევთ თავიანთი Alipay-სა და WeChat-ის აპლიკაციების QR კოდები.
ვინაიდან ჩინეთში ნაღდ ფულს ძალიან ცოტა ადამიანი იყენებს დაშესაბამისად რთულია ვინმეს დაეხმარო ნაღდი ფულის უქონლობის გამო, მოწყალების გაღება შესაძლებელია ასევე ფულის გადარიცხვის მეთოდითაც.
კომენტარის დატოვება
კომენტარის დასატოვებლად უნდა გაიაროთ ავტორიზაცია.