[:ka]ჩინეთის პრეზიდენტი სი ძინფინგი, მისივე ინიციატივის „ერთი სარტყელი ერთი გზა“ ფარგლებში, ყაზახეთს ეწვევა. როგორც ცნობილია, ვიზიტი ოთხშაბათს დაიწყება. ანალიტიკოსების თქმით, ეს კიდევ ერთი ნაბიჯი იქნება, რომელიც უფრო მეტ შედეგს გამოიღებს „ერთი სარტყელი ერთი გზა“ ინიციატივის მშენებლობაში.
ყაზახეთის პრეზიდენტის, ნურსულთან ნაზარბაევის მოწვევით, სი ძინფინგი ყაზახეთს სახელმწიფო ვიზიტის ფარგლებში ეწვევა. როგორც, საგარეო საქმეთა სამინისტროს ოფიციალური წარმომადგენელის, ლუ ქანგის განცხადებით გახდა ცნობილი, ჩინეთის პრეზიდენტი ოთხდღიანი ვიზიტის დროს, ასევე დაესწრება შანხაის თანამშრომლობის ორგანიზაციის სახელმწიფო მეთაურთა საბჭოს 17-ე შეხვედრას და ასტანა ექსპო 2017-ის გახსნის ცერემონიას.
ყაზახეთმა ინიციატივაში ჩართვის სურვილი გამოთქვა 2013 წელს, როდესაც პრეზიდენტმა სიმ, სექტემბერში, ყაზახეთის დედაქალაქ ასტანაში, ნაზარბაევის უნივერსიტეტის გამოსვლაში, აბრეშუმის გზის ეკონომიკური მშენებლობის შესახებ ისაუბრა და მასპინძლებს მასში ჩართვა შესთავაზა.
გასულ თვეს, ჩინეთისა და ყაზახეთის მეთაურები პეკინში, „ერთი სარტყელი ერთი გზა“ ფორუმის ფარგლებში შეხვდნენ ერთმანეთს.
აღნიშნული ვიზიტი, რომელიც ოფიციალურად ოთხშაბათს დაიწყება და ოთხი დღე გასტანს, იქნება სი ძინფინგის რიგით მესამე სახელმწიფო ვიზიტი დასავლეთ მეზობელთან.
აღსანიშნავია ისიც, რომ ამ წელს ორ ქვეყანას შორის დიპლომატიური ურთიერთობების დამყარების 25 წლისთავი აღინიშნება. 2014 წელს, ქვეყნებმა ხელი მოაწერეს დოკუმენტს აბრეშუმის გზის ეკონომიკური ქამრის ფარგლებში თანამშრომლობის გაღრმავებაზე. ორი ქვეყნის წარმომადგენელმა არაერთხელ გამოთქვა მზადყოფნა ინიციატივაში ჩართვაზე.
ყაზახეთის გეოგრაფიულმა მდებარეობამ, ქვეყანას უპირატესობა მიანიჭა და გახადა მნიშვნელოვანი პარტნიორი „ერთი სარტყელი ერთი გზა“ ინიციატივის ფარგლებში- განაცხადა, ჩინეთის საკომუნიკაციო უნივერსიტეტის საერთაშორისო ურთიერთობების პროფესორმა, ძინ იუნგმა.[:]
კომენტარის დატოვება
კომენტარის დასატოვებლად უნდა გაიაროთ ავტორიზაცია.