[:ka]
ჩინეთმა ცენტრალური და აღმოსავლეთ ევროპის ბოლო 3 ქვეყანასთან: ესტონეთთან, ლიტვასთან და სლოვენიასთან “სარტყელისა და გზის” ინიციატივის მხარდასაჭერად ურთიერთანამშრომლობის მემორანდუმი გააფორმა. აღნიშნულ ქვეყნებთან დადებული ხელშეკრულება გულისხმობს, რომ ცენტრალური და აღმოსავლეთ ევროპის უკვე 16 ქვეყანა იქნება ჩართული “სარტყელი და გზის” ინიციატივაში.
ჩინეთსა და ცენტრალურ და აღმოსავლეთ ევროპის 3 ქვეყანასთან მემორანდუმის გაფორმებას 10-ზე მეტი თანხმობა უძღოდა წინ. შეთანხმებას ხელი 27 ნოემბერს, უნგრეთის დედაქალაქ ბუდაპეშტში მოეწერა. შეთანხმების ხელმომწერნი იყვნენ ჩინეთის პრემიერი ლი ქეციანგი და ცენტრალური და აღმოსავლეთ ევროპის ქვეყნების მთავრობის სხვა ლიდერები. დოკუმენტი მოიცავს ისეთ სფეროებს, როგორიცაა კავშირები, წარმოება, ინფრასტრუქტურა და ფინანსები.
აღნიშნულ შეხვედრაზე ჩინეთის პრემიერმა ქვეყნების ორმხრივი ვაჭრობის, კავშირების გაღრმავების, ინოვაციური და ფინანსური თანამშრომლობისა და ხალხთაშორისი თანამშრომლობის ხელშეწყობისაკენ მოუწოდა. ლიმ ასევე განაცხადა, რომ მნიშვნელოვანია ამ ქვეყნებმა ძირითადი პროექტების დაკავშირების პროცესი დააჩქაროს, ხელი შეუწყოს კავშირების გაღრმავებას როგორც ხმელეთზე, ასევე წყალსა და ჰაერში. “ჩინეთის სურვილია შეიქმნას მეტი სარკინიგზი და საჰაერო გზები ჩინეთისა და ევროპის დასაკავშირებლად”- განაცხადა პრემიერმა.
საბაჟო დეპარტამენტის მონაცემებით, ჩინეთსა და აღმოსავლეთ და ცენტრალური ევროპის ქვეყნებს შორის ორმხრივი ვაჭრობა გასულ წელს 58.6 მილიარდი დოლარით გაიზარდა, რაც გულისხმობს წელიწადში 4.3%-ით მატებას.
გასული წლის ნოემბერში, ჩინეთსა და აღმოსავლეთ-ცენტრალური ევროპის ლიდერთა რიგით მე-5 შეხვედრაზე, ლატვიამ ხელი მოაწერა ინიციატივაში ჩართვის მემორანდუმს. ხოლო, 2015 წლის ივნისში, უნგრეთი იყო ევროპიდან პირველი ქვეყანა, ვინც თანხმობა განაცხადა “სარტყელი და გზის” ინიციატივაში ჩართვაზე.
2013 წელს პრეზიდენტი სი ძინფინგის მიერ ინიცირებული ინიციატივა ახალი აბრეშუმის გზის ეკონომიკურ სარტყელსა და 21-ე საუკუნის საზღვაო აბრეშუმის გზის მონაკვეთს მოიცავს. მისი მიზანია უძველესი აბრეშუმის გზის მარშრუტების გასწვრივ სავაჭრო და ინფრასტრუქტურის დიდი ქსელის შექმნა.
[:]
კომენტარის დატოვება
კომენტარის დასატოვებლად უნდა გაიაროთ ავტორიზაცია.