თავისუფალ უნივერსიტეტში “ჩინური ენის ხიდის” მე-14 შესარჩევი ტური გაიმართა

0
53

9 ივნისს, თბილისის თავისუფალი უნივერსიტეტის კონფუცის ინსტიტუტისა და ჩინეთის სახალხო რესპუბლიკის საელჩოს ერთობლივი ორგანიზებით, კახა ბედუქიძის კამპუსში ჩატარდა „ჩინური ენის ხიდის“ სტუდენტური კონკურსის მე-14 შესარჩევი ტური.

კონკურსში საქართველოს სხვადასხვა უნივერსიტეტის 11 სტუდენტი მონაწილეობდა, მათ პირველ ტურში ჩინური ენაზე სიტყვით მიმარეს დამსწრე საზოგადოებას.

მეორე ტურში ჩატარდა ვიქტორინა, კონკურსანტებმა ჩინურ ენაზე პასუხი გასცეს ეკითხვებს ჩინეთის კულტურისა და ენის შესახებ, ხოლო დასკვნით ნაწილში მსაჯების წინაშე სხვადასხვა პერფორმანსით წარსდგნენ.

რიგით მე-14 “ჩინური ენის ხიდის” კონკურსის გამარჯვებული თავისუფალი უნივერსიტეტის საერთაშორისო ურთიერთობების სკოლის მე-3 კურსის სტუდენტი, სანდრო წერეთელი გახდა.
მეორე ადგილზე გავიდნენ მარიამ ხუჭუა და ქეთევან ჭიჭიბოშვილი.
ხოლო მესამე ადგილი დაიკავეს მარიამ რეხვიაშვილმა, მარიტა ბასილაძემ და თამარ ლომიძემ.
კონკურსის გამარჯვებული ჩინეთში გაემგზავრება და „ჩინური ენის ხიდის“ ფინალურ ეტაპზე საქართველოს სახელით მიიღებს მონაწილეობას. (რიგით 22-ე საერთაშორისო კონკურსის “ჩინური ენის ხიდის” დასკვნითი ტური გაიმართება ჩინეთში, სადაც პირველი ადგილისთვის იბრძოლებენ სხვადასხვა ქვეყნის ფინალისტი კონკურსანტები.)

ღონისძიებას ესწრებოდნენ ჩინეთის სახალხო რესპუბლიკის საელჩოს პოლიტიკური მრჩეველი, ქალბატონი სიუ ხაიჭენგი და სხვა დიპლომატები. ღონისძებას ესწრებოდა 250-მდე მაყურებელი.

დამსწრე საზოგადოებასა და მონაწილეებს სიტყვით მიმართეს ჩინეთის საელჩოს მრჩეველმა სიუ ხაიჭენგმა და თავისუფალი უნივერსიტეტის კონფუცის ინსტიტუტის დირექტორებმა, მარინე ჯიბლაძემ და სუ კუოინგმა.

ქალბატონმა სიუ ხაიჭენგმა თავის სიტყვაში აღნიშნა, რომ თავისუფალი უნივერსიტეტი კონფუცის ინსტიტუტი მრავალი წლის განმავლობაში წარმატებით  ასწავლის ჩინური ენასა და კულტურას.

კონკურსის ბოლოს გაიმართა თავისუფალი უნივერსიტეტის კონფუცის ინსტიტუტის ქართულენოვანი ესეების კონკურსებისა და ოლიმპიადის „რა ვიცით ჩინეთის შესახებ?“ დაჯილდოების ცერემონია.