[:ka]
ჩინეთის საერთაშორისო ვაჭრობის ხელშეწყობის საბჭოს (CCPIT) ორგანიზებით საქართველოში საერთაშორისო ბიზნეს ფორუმი ჩატარდება.
1980 წელს, კანსუს პროვინციაში მრეწველობისა და ვაჭრობის სრულუფლებიანი წარმომადგენლების ინიციატივით შეიქმნა ჩინეთის საერთაშორისო ვაჭრობის ხელშეწყობის საბჭო, კანსუს პროვინციული კომიტეტი (CCPIT Gansu). ამჟამად, კომიტეტს აქვს 15 ადგილობრივი ფილიალი 14 ქალაქსა და ავტონომიურ პრეფექტურაში, ასევე საერთაშორისო სამრეწველო პალატის 3 იურიდიული ფირმა. იგი შედგება 5 სექტორისაგან, რომელიც ეხება ზოგად საქმიან ურთიერთობებს, კერძოდ, საერთაშორისო ურთიერთობებს, ეკონომიკურსა და იურიდიულ საკითხებს.
კანსუს პროვინციული კომიტეტის მიერ შემოთავაზებული სერვისები მჭიდროდ თანამშრომლობს პროვინციულ ეკონომიკურ სტრატეგიაზე ორიენტირებულ ფილიალებთან, რათა უზრუნველყოს საწარმოები და ორგანიზაციები, როგორც ჩინეთში, ასევე მის საზღვრებს გარეთ. CCPIT Gansu-ის მიერ შემოთავაზებული სერვისები ასევე იწვევს და მასპინძლობს დელეგატებს საზღვარგარეთიდან.
გვსურს შეგატყობინოთ, რომ 21 აგვისტოს შეგიძლიათ მობრძანდეთ “თბილისი მარიოტ“-ში (Tbilisi Marriott) და დაესწროთ ჩინეთის კანსუს პროვინციის სავაჭრო პალატის მიერ ორგანიზებულ ფორუმს, რომლის მთავარი მიზანია ქართულ-ჩინური კომპანიების დაკავშირება, თამანშრომლობა, ინვესტირება და ვაჭრობის ხელშეწყობა. მსგავსი ფორუმი დიდი ხანია იმართება გერმანიაში, უნგრეთში, ირანსა და ყაზახეთში. ამჯერად კი ფორუმი სტარტს იღებს საქართველოშიც.
ფორუმს დაესწრება 28 ჩინური კომპანიის 80-მდე წარმომადგენელი და ასევე კანსუს პროვინციის სავაჭრო პალატის დირექტორი და მისი წევრები. აღნიშნულ ღონისძიებაზე წარმოდგენილნი იქნებიან კომპანიები სოფლის მეურნეობის, ტურიზმის, ტექსტილის, მშენებლობის, საინვესტიციო, სავაჭრო და სხვა დარგებიდან.
თარიღი: 21 აგვისტო, 2017 წელი
ადგილი: თბილისი მარიოტი (Tbilisi Marriott), შოთა რუსთაველის გამზირი #13.
დრო: 08:30 – 10:00
სამუშაო ენები: ქართული და ჩინური
დასწრება თავისუფალია.[:]
