[:ka]
ჩინეთის სახალხო რესპუბლიკის საელჩომ საქართველოში ქართველი სინოლოგებისათვის გაზაფხულის ფესტივალის სადღესასწაულო მიღება გამართა. ღონისძიება 9 თებერვალს, საგამოფენო ცენტრში ”ექსპო ჯორჯია” ჩატარდა.
ჩინეთის ელჩმა, ძი იენჩიმ დამსწრე საზოგადოებას ახალი წელი მიულოცა და სიტყვით მიმართა.
მიღებას ესწრებოდნენ ჩინეთის სახალხო რესპუბლიკის საგანგებო და სრულუფლებიანი ელჩი საქართველოში ძი იენჩი, საქართველოს საგარეო საქმეთა მინისტრის მოადგილე გიორგი შარვაშიძე, ქართველი სინოლოგები და სხვა მოწვეული სტუმრები.
შეგახსნებთ, რომ „გაზაფხულის ფესტივალის სადღესასწაულო მიღება ქართველი სინოლოგებისათვის“ ტრადიციულად, ჩინური ახალი წლის დღესასწაულთან დაკავშირებით იმართება და მისი მიზანია ჩინეთსა და საქართველოს შორის კულტურისა და განათლების სფეროში თანამშრომლობის გაღრმავება. ასევე, ხალხებს შორის ურთიერთგაგების გაზრდა და ორი ქვეყნის მჭიდრო ურთიერთობების განვითარება.
[:]
