[:ka]
9 მარტს, კახა ბენდუქიძის საუნივერსიტეტო კამპუსში, თავისუფალი უნივერსიტეტის კონფუცის ინსტიტუტში ფარნების დღესასწაული აღინიშნა. ჩინური კულტურით დაინტერესებულ ადამიანებს მიეცათ შანსი შეერთებოდნენ ჩინური ტრადიციული დღესასწაულის აღნიშვნას და მიიღოთ მონაწილეობა საღამოში.
ფარნების სანახაობრივი (იგივე იუენსიაოს დღესასწაული) და ნათელი ფესტივალი ჩინეთში ყოველწლიური ტრადიციაა, რომლითაც აღმოსავლური ახალი წელი სრულდება. მილიონობით ჩინელი მსოფლიოს სხვადასხვა კუთხიდან სამშობლოში ბრუნდება, რათა დღესასწაული ოჯახის წევრებთან ერთად გაატაროს და მონაწილეობა მიიღოს კარნავალებში, მსვლელობებსა და სხვადასხვა საინტერესო ღონისძიებებში.
ახალი წლის დადგომას ჩინეთში ორი კვირის განმავლობაში აღნიშნავენ. მთელი ამ დროის განმავლობაში ქვეყანაში იმართება მასკარადები და ბაზრობები. ფარნების ფესტივალი – ეს დღესასწაულის დასკვნითი ეტაპია და მისი ყველაზე ნათელი და სანახაობრივი ნაწილიც. ხალხური თქმულებების თანახმად, პეტარდების აფეთქების ხმა ბოროტ სულებს აფრთხობს.
დამსწრე საზოგადეობამ დააგემოვნა ჩინური ტრადიციული ნუგბარი, იხილეს დრაკონის ცეკვა და მიიღეს მონაწილეობა გათამაშებებსა და ვიქტორინებში, საღამოზე გათამაშდა პრიზები. ღონისძიების სტუმრებს მასპინძლობას უწევდა პანდა, ასევე სტუმრობდა Giffer-ი.
[:]
