ქალაქი ქუნმინგი, რომელიც XVII საუკუნის შუა ხანებიდან იუნანის პროვინციის ადმინისტრაციული ცენტრი გახლავთ, სამხრეთ-დასავლეთ ჩინეთის ეკონომიკური, სატრანსპორტო, ინდუსტრიული და კულტურული ცენტრია. სწორედ ქუნმინგიდან გადის იუნან-ბირმის საავტომობილო გზა და რკინიგზის ხაზი ვიეტნამისაკენ. ეს ქალაქი ახ. წ. I საუკუნეში წარმოიქმნა და თავდაპირველად ძიანლინი ეწოდებოდა. ქუნმინგი მას XIII საუკუნეში მონღოლების მიერ ჩინეთის დაპყრობის შემდეგ ეწოდა.
ამ ქალაქის მშვენიერი ყვავილები, რომელიც ზღაპრულ სამყაროს წააგავს, უთუოდ პატარა ჰოლანდიას მოგაგონებთ. კუმინში მდებარე ტოუნანის ყვავილების ბაზრობა მთელ აზიაში ერთ-ერთ ყველაზე მსხვილ ყვავილების მარკეტად ითვლება. ჩინეთის დიდ და საშუალო ქალაქებს ყვავილების 80% სწორედ მისი საშალებით მიეწოდება.
ზომიერი კლიმატის გამო კუნმინგს წელიწადის ნებისმიერ დროს შეგიძლიათ ეწვიოთ; დატკბეთ იანგზონგისა და ტიენჩის ტბების სილამაზით, გაეცნოთ ტრადიციული სოფლების მოსახლეობასა და მათ წეს-ჩვეულებებს, მონაწილეობა მიიღოთ მრავალფეროვან ფესტივალებში და რაც მთავარია, დაათვალიეროთ მისი მშვენიერებით განთქმული ყვავილები.
