Home ბიზნესი მარტოხელების დღეს დამყარებული რეკორდი

[:ka]მარტოხელების დღეს დამყარებული რეკორდი[:]

0
4240

[:ka]

ჩინური ელექტრონული კომერციის გიგანტმა “ალიბაბა ჯგუფმა” გასულ წელს მარტოხელების დღის გაყიდვების რეკორდი მოხსნა. წელს, მარტოხელების დღისადმი მიძღვნილ ფასდაკლებებზე რეკორდული მაჩვენებლის პროდუქცია გაიყიდა, რომელთა საერთო ფასმა 24 საათში 25,4  მილიარდი დოლარი შეადგინა. 11.11 გლობალური გაყიდვების ფესტივალი დიდი წარმატებით დასრულდა. შაბათის გაყიდვებმა შარშანდელ მაჩვენებელს ვაჭრობის დაწყებიდან 13 საათში მიაღწია. წელს გაყიდვები 40%-ით გაიზარდა.

გაყიდვების დაწყებიდან პირველ 2 წუთში მომხმარებლებმა 1 მილიარდი დოლარის პროდუქცია შეიძინეს.

მიუხედავად იმისა, რომ შეიმჩნეოდა გაყიდვების ზრდის შეფერხება, წელს “ალიბაბა ჯგუფმა” აღნიშნული ფესტივალის პოპულარიზაციისათვის მეტი ინვესტიცია ჩადო ბაზარზე. კომპანიამ დაიწყო აქციებისა და გასართობი პროგრამების სერია, მოდის შოუები და მაუწყებლების საყოველთაო სავაჭრო ვიზიტები ოქტომბერში, ასევე, მომხმარებლებს შეეძლოთ პროდუქტის წინასწარ შეკვეთა და საფასურის მოგვიანებით გადახდა.

“წლევანდელი წამახალისებელი ძალისხმევა შარშანდელზე მეტია. “ალიბაბა ჯგუფი” ყოველთვის დიდ რესურსს დებს აღნიშნულ ღონისძიებაში”- განაცხადა ბაზრის კვლევის ფირმის ანალიტიკოსმა, ვანგ სიაოფვენგმა.

11.11 გლობალური გაყიდვების ფესტივალის წინ კომპანიამ მსოფლიო ვარსკვლავებს უმასპინძლა. ვარსკვლავთცვენას შანხაიმ უმასპინძლა. რეკორდულ მაჩვენებლის ონლაინ გაყიდვები საზეიმო ვითარებაში ალიბაბა ჯგუფის დამფუძნებელმა, ჯეკ მამ მსოფლიო ვარსკვლავებთან ერთად იზეიმა, მოწვეულ სტუმრებს შორის იყვნენ ჰოლივუდის მსახიობი ნიკოლ კიდმანი, მომღერალი  ფარელ უილიამსი, ჩინელი კინოვარსკვლავები ჭანგ წ’ი და ფვან პინგპინგი.

შეგახსენებთ, რომ 11.11 არის ალიბაბა ჯგუფის მიერ დადგენილი ონლაინ ფასდაკლებების დღე, რომელიც ეძღვნება “მარტოხელების დღეს”, რომელსაც ჩინეთში 11 ნოემბერს აღნიშნავენ.

[:]

NO COMMENTS