ივნისი5 , 2023
ახალი ამბებისი ძინფინგი მე-14 ეროვნული სახალხო კონგრესის დეპუტატად აირჩიეს

სი ძინფინგი მე-14 ეროვნული სახალხო კონგრესის დეპუტატად აირჩიეს

სი ძინფინგი ხუთშაბათს ძიანგსუს პროვინციის მე-14 რეგიონული სახალხო კონგრესის პირველ სესიაზე ერთხმად აირჩიეს მე-14 ეროვნული სახალხო კონგრესის დეპუტატად.

-

- Advertisment -spot_img

სი ძინფინგი ხუთშაბათს ძიანგსუს პროვინციის მე-14 რეგიონული სახალხო კონგრესის პირველ სესიაზე ერთხმად აირჩიეს მე-14 ეროვნული სახალხო კონგრესის დეპუტატად.

სი ჩინეთის მე-14 ეროვნული სახალხო კონგრესის დეპუტატობის კანდიდატად კომუნისტური პარტიის ცენტრალურმა კომიტეტმა წარადგინა. კენჭისყრა რეგიონულ კონგრესზე ჩატარდა.

სის ერთხმად არჩევის შესახებ განცხადებამ სესიაზე მხურვალე აპლოდისმენტები დაიმსახურა.

სი იყო იმ 144 დეპუტატს შორის, რომლებიც აირჩიეს ახალ ეროვნულ სახალხო კონგრესზე.

დეპუტატების თქმით, რეგიონული სახალხო კონგრესის 800-ზე მეტი დეპუტატის მიერ სის ერთსულოვნად არჩევა წარმოადგენს ძიანგსუს პროვინციაში მცხოვრები 85 მილიონზე მეტი ადამიანის გულწრფელ სურვილს.

ეროვნული სახალხო კონგრესი არის ჩინეთის უმაღლესი საკანონმდებლო ორგანო. მე-14 კონგრესი თავის პირველ ყოველწლიურ სესიას პეკინში 5 მარტს გახსნის.

ძიანგსუ

2014 წლის დეკემბერში, ძიანგსუს პროვინციაში საინსპექციო ტურის დროს, სიმ პირველად გამოიყენა ტერმინი „პარტიის სრული და მკაცრი თვითმმართველობა“ და მას უპრეცენდენტო მნიშვნელობა მიანიჭა.

ზოგიერთმა დეპუტატმა თქვა, რომ სის არჩევა პროვინციაში ხუთშაბათს იყო სწორედ სრული და მკაცრი პარტიული თვითმმართველობის უცვლელი წინსვლის, შიდაპარტიული პოლიტიკური აქტივობების გაძლიერებისა და რეგულირების და ამ პროცესში სახალხო დემოკრატიის განვითარების ნათელი მაგალითი.

„თანამშრომლობა კადრებსა და მასებს შორის უფრო მჭირდროა და პარტიული ორგანიზაციების ავტორიტეტი უფრო გაიზარდა“, – თქვა ჭოუ ჭონგიანმა, პარტიის მდივანმა პროვინციის ერთ-ერთ სოფელში. „პარტიამ მიგვიყვანა სიღარიბის აღმოფხვრასა და სოფლის გაძლიერებამდე. ჩვენი ცხოვრება უფრო და უფრო აყვავებული ხდება.“

ძიანგსუს პროვინცია მდინარე იანგწის ქვედა ნაწილში მდებარეობს. იგი “იანგწის ეკონომიკური სარტყლის ინიციატივის“ ერთ-ერთი მნიშვნელოვანი ნაწილია. ეს პროექტი ჩინეთმა დაიწყო 2016 წლის დასაწყისში. პროექტის მიზანია რეგიონის გადაქცევა ოქროს ეკონომიკურ სარტყლად, უკეთესი ეკოლოგიით, ტრანსპორტით, კოორდინირებული ეკონომიკით, უკეთ ინტეგრირებული ბაზრითა და მეტი სამეცნიერო მექანიზმებით.

სხვა დეპუტატების თქმით, სის ძიანგსუს პროვინციაში არჩევამ ასევე აჩვენა ჩინეთის კომუნისტური პარტიის ცენტრალური კომიტეტის ერთგულება მდინარე იანგწის ეკონომიკური სარტყლის წინსვლისა და იანგწის დელტის ინტეგრაციისკენ. ეს პროცესი მოიცავს რეფორმების გაგრძელებასა და განვითარების ახალი ნიმუშის შექმნისთვის პრიორიტეტის მინიჭებას.

„აღფრთოვანებული ვარ იმის მოსმენით, რომ გენერალური მდივანი ერთხმად იქნა არჩეული“, – თქვა ლიუ ლეიმ, ტექნიკოსმა პენგჩენგში, ძიანგსუს პროვინციის ქალაქში.

2017 წლის დეკემბერში ქალაქში ორდღიანი ინსპექტირების ტურის დროს, სიმ მოითხოვა მეტი ინოვაცია აღჭურვილობის წარმოების სექტორში, რათა გაძლიერებულიყო ეკონომიკა და დაჩქარებულიყო ჩინეთის სწრაფვა წარმოების ცენტრად გადაქცევისკენ.

ლიმ გაიხსენა სის ვიზიტი ჩინეთის კომუნისტური პარტიის მე-19 ეროვნული კონგრესის შემდეგ. მან თქვა, რომ ისინი ბევრს იმუშავებენ ინოვაციებზე, რათა მოახდინონ ტექნოლოგიური გარღვევა და წვლილი შეიტანონ ჩინეთის წარმოების სექტორში.

სი ყოველთვის დიდ მნიშვნელობას ანიჭებდა ასევე დიდი არხის კულტურული სარტყლის მშენებლობას, რომელიც გადაჭიმულია პეკინიდან ხანგჭოუმდე, ჭეძიანგის პროვინციის დედაქალაქამდე აღმოსავლეთ ჩინეთში. ძიანგსუს პროვინციის ქალაქი იანგჭოუც ამ პროექტის ერთ-ერთი სექციაა.

ლი ჭენჩენგმა, ასევე ძიანგსუს პროვინციის მე-14 რეგიონალური სახალხო კონგრესის დეპუტატმა, თქვა, რომ ისინი მეტს გააკეთებენ კულტურული მემკვიდრეობის წინსვლისა და წყლის დასაცავად, რათა დიდი არხი სუფთა, მწვანე და ცოცხალი გახადონ.

უახლესი სტატიები

ფრიუნის კონფუცის ინსტიტუტი – ჩინური ენის შესწავლის კიდევ ერთი შესაძლებლობა

თავისუფალი უნივერსიტეტის ჩინური ენის მიმართულება უკვე მრავალი წელია თავისუფალი უნივერსიტეტი ჩინური ენისა და კულტურის სწავლებაში ლიდერობას ინარჩუნებს. აქ არსებული საერთაშორისო...

ჩინური ენის შესწავლის მრავალფეროვანი პერპექტივა

ჩინური ენა, თავისი მდიდარი კულტურული მემკვიდრეობით და მზარდი გლობალური გავლენით, სულ უფრო მნიშვნელოვანი ხდება დღევანდელ სამყაროში. ეს სტატია მიმოიხილავს...

ქართველი უშუისტის წარმატება ამერიკაში

დავით გულისაშვილმა, საქართველოს უშუს ეროვნული ნაკრების წევრმა, აშშ-ის კუნგფუს ეროვნულ ჩემპიონატზე იასპარეზა. ღონისძიება 2023 წლის 26-28 მაისს, ტეხასის შტატის...

“ჩაი ჰარმონიისთვის: იაძის კულტურული სალონი”

გასულ ორშაბათს ჩინეთის კულტურისა და ტურიზმის სამინისტროს ეგიდით პეკინში, პრინც კონგის სასახლის მუზეუმში, ჩინური ჩაის კულტურასთან დაკავშირებით გლობალური ღონისძიება...

ხიდი კულტურებს შორის: შუ იონგის ხედვა

არტისტი შუ იონგი ქმნის ნამუშევრებს სარტყელისა და გზის ინიციატივის პოპულარიზაციისთვის. მისი ერთ-ერთი ცნობილი ინსტალაცია, „კუკეს აგურები“, შედგება გამჭვირვალე კუბიკებისგან,...

ჩინეთი საფოსტო მიწოდების სექტორზე კონტროლს ამკაცრებს

ცოტა ხნის წინ ჩინეთის სახელმწიფო ფოსტის ბიურომ განაცხადა, რომ მიწოდების უსაფრთხოების ხელშეწყობის მიზნით, საფოსტო და ექსპრეს მიწოდების სექტორში არალეგალური...

წაიკითხეთ მსგავსი
რეკომენდირებული სტატიები

%d bloggers like this: