შუა შემოდგომის დღესასწაული, “ჭუნგციოუძიე” (中秋节) ჩინურად, ასევე უწოდებენ მთვარის ფესტივალს ან მთვარის ნამცხვრის ფესტივალს და ჩინელებისთვის არის ყველაზე მნიშვნელოვანი დღესასწაული ჩინური ახალი წლის შემდეგ. ამ დღესასწაულს ასევე აღნიშნავენ აზიის სხვა ქვეყანებიც, როგორიცაა სინგაპური, მალაიზია და ფილიპინები.
მთვარის დღესასწაული ოჯახებისთვის გაერთიანების საუკეთესო პერიოდია. ჩინელები დღესასწაულს აღნიშნავენ ოჯახთან ერთად სადილობით, მთვარის თაყვანისცემით, ქაღალდის ფარნების ანთებით, მთვარის ნამცხვრების მირთმევით და ა.შ.
შუა შემოდგომის ფესტივალი ტრადიციულად მოდის ჩინეთის მთვარის კალენდრის მე-8 თვის მე-15 დღეს, რომელიც გრიგორიანული კალენდრით სექტემბერში ან ოქტომბრის დასაწყისშია. როგორც, ტრადიციულად, ოთხ სეზონს აქვს სამი მთვარის თვე, მე-8 თვის მე-15 დღე არის „შემოდგომის შუა რიცხვები“.
2022 წელს შუა შემოდგომის დღესასწაული 10 სექტემბერს (შაბათს) იწყება. ჩინელებს 10-დან 12 სექტემბრამდე 3 დღიანი სახალხო დღესასწაული ექნებათ.
რატომ აღინიშნება შუა შემოდგომის ფესტივალი?
შუა შემოდგომის ფესტივალს 3000 წელზე მეტი ხნის ისტორია აქვს. იგი მომდინარეობს შემოდგომაზე მთვარის თაყვანისცემის ჩვეულებიდან, მოსავლისთვის მადლობა გადასახდელად.
კულტურული/ისტორიული განვითარების პროცესში შუა შემოდგომის ფესტივალს მეტი მნიშვნელობა აქვს, მათ შორის ოჯახები, რომლებიც ერთად იკრიბებიან და ლოცულობენ ჯანმრთელობისა და ბედნიერებისთვის.
დღეს, შუა შემოდგომის ფესტივალი, ადამიანებისთვის ოჯახური გაერთიანების საშუალებაა. ამბობენ, რომ ამ დღეს მთვარე ყველაზე კაშკაშა და მრგვალია, რაც ოჯახის გაერთიანებას ნიშნავს.