[:ka]
ცნობილი ჩინელი მსახიობი, მომღერალი და კომპოზიტორი სიუ ვეიჭოუ (许魏洲-Xǔ Wèizhōu) დაიბადა 1994 წლის 20 ოქტომბერს ქალაქ შანხაიში. მას მსოფლიოში იცნობენ, როგორც Timmy Xu ტიმი სიუ. სიუ ვეიჭოუს მეტსახელად ჭოუ-ჭოუსაც ეძახიან. სამსახიობო კარიერასთან ერთად, ის სხვადასხვა ჟანრის მომღერალიცაა. მღერის რეპს, როკს, მძიმე მეტალსა და პოპს. ასევე უკრავს გიტარაზე, დრამსა და ფორტეპიანოზე. მუსიკალურ ნიჭთან ერთად სიუ დაჯილდოებულია სამსახიობო ნიჭითაც. მსახიობსა და მომღერალს აქტიურად იღებენ ფილმებსა და სატელევიზიო სერიალებში. მან სამსახიობო კარიერა 2015 წელს დაიწყო, როდესაც ითამაშა მოკლემეტრაჟიან ფილმში Crazy Gaming. 2016 წელს მსახიობი ანიმაციურ ფილმში მიიწვიეს, სახელწოდებით Big Fish & Begonia. ერთი წლის შემდეგ სიუ მაყურებლის წინაშე კვლავ მოკლემეტრაჟიანი ფილმით წარსდგა, სახელწოდებით Seize the Moment. ფილმების პარალელურად მსახიობი მონაწილეობდა სატელევიზიო შოუებშიც. პირველად, მაყურებელთა წინაშე ის სერიალ Addicted-ში გამოჩნდა, 2016 წელს. ცნობილია, რომ მას ამ ამპლუაში 2018 წელს ისევ ვიხილავთ. ის ითამაშებს სერიალში, The Evolution of Our Love, რომელიც ეკრანებზე მომდევნო წელს გამოვა.
გთავაზობთ მსახიობის ბოლოდროინდელ ფოტოებს მოდის ჟურნალებისთვის.
[:]
