[:ka] ჩინელმა რობოტმა სამედიცინო გამოცდა წარმატებით ჩააბარა[:]

[:ka]

ჩინეთში შექმნილმა რობოტმა გაიარა ჩინეთის ეროვნული სალიცენზიო ექსპერტიზის წერილობითი გამოცდა, რომლის ჩაბარებაც უწევს ყველა ექიმს. ჩინეთის წამყვანი ხელოვნური ინტელექტის კომპანია  iFlytek Co Ltd-ის განცხადებით, რობოტმა ტესტში  456 ქულა დააგროვა. სამედიცინო ტესტის წარმატებით ჩასაბარებლად საკმარისია 96 ქულა.

ხელოვნური ინტელექტის მქონე რობოტი ავტომატურად იღებს პაციენტის მდგომარეობის შესახებ ინფორმაციას, აკეთებს ანალიზს და სვამს თავდაპირველ დიაგნოზს. iFlytek Co Ltd-ის თქმით რობოტს გამოიყენებენ ექიმთა დასახმარებლად, რათა მომავალში გაუმჯობესდეს მკურნალობის ეფექტურობა.

ეს არის ჩინეთის კიდევ ერთი ნაწილი იმ ფართო ძალისხმევისა, რომელიც აჩქარებს AI-ის გამოყენებას ჯანდაცვის, სამომხმარებლო ელექტრონიკისა და სხვა მრეწველობის სფეროში.

IFlytek- ის თავმჯდომარის ლიოუ ცინგფვენგის განცხადებით, რობოტს ოფიციალურად 2018 წლის მარტში გამოუშვებენ. “ის არ არის შექმნილი იმისათვის, რომ ჩავანაცვლოთ ექიმები. მიზანი არის ის, რომ გაუმჯობესდეს მკურნალობისა და მომსახურების ეფექტურობა”- განაცხადა ლიოუმ.

8 ნოემბერს კომპანია iFlytek გახდა ჩინეთის მეცნიერებათა აკადემიის მიერ შექმნილი AI ალიანსის წევრი, რომელიც მიზნად ისახავს საბაზისო მეცნიერებების კვლევასა და უახლესი ტექნოლოგიების გამოყენებას.

[:]

კომენტარის დატოვება