Home სპორტი ოლიმპიურმა სასახლემ საქართველოს რიგით მე-14 უშუს ჩემპიონატს უმასპინძლა

[:ka]ოლიმპიურმა სასახლემ საქართველოს რიგით მე-14 უშუს ჩემპიონატს უმასპინძლა[:]

0

[:ka]

3 დეკემბერს, თბილისის ოლიმპიურ სასახლეში საქართველოს რიგით მე-14 უშუს ჩემპიონატი გაიმართა.

ჩემპიონატი, საქართველოს უშუს ეროვნული ფედერაციის ორგანიზებითა და საქართველოს სპორტისა და ახალგაზრდობის საქმეთა სამინისტროს მხარდაჭერით ჩატარდა. მასში მანაწილეობა  მიიღო ქვეყნის 140-მა სპორტსმენმა, საქართველოს სხვადასხვა რაიონიდან. სპორტსმენები მაყურებელთა წინაშე საჩვენებელი გამოსვლებით და ორთაბრძოლებით წარსდგნენ.

ჩემპიონატის მონაწილე სპორტსმენებს დამსახურებული მედლები და სიგელები გადასცა უშუს ფედერაციის პრეზიდენტმა გიორგი ვერულიძემ. მან სინომედიასთან ინტერვიუში აღნიშნა, რომ ჩინური საბრძოლო ხელოვნებით დაინტერესებულთა რიცხვი ყოველ წელს იზრდება.

მაღალია ნაკრების წარმატებათა რიცხვიც. საქართველოს ნაკრებმა 2017 წელს დიდი წარმატებით იასპარეზა საერთაშორისო ასპარეზზე და მსოფლიოს, ევროპისა და საერთაშორისო ჩემპიონატებიდან ქვეყანას 46 მედლით დაუბრუნდა. გამარჯებათა ამგვარი სიის მიზეზად, ფედერაციის პრეზიდენტმა მწვრთნელების თავდადება, მათი სწორი მიმართულებით მუშაობა და ფედერაციის წვლილი დაასახელა.

გიორგი ვერულიძემ ინტერვიუში სამომავლო გეგმებსაც გაუსვა ხაზი და აღნიშნა, რომ ეროვნული ჩემპიონატის შემდეგ შედგება სპორტსმენებით დაკომპლექტებული სპეციალური გუნდი, რომელიც უკვე პირველობისთვის არა საქართველოში, არამედ საერთაშორისო ჩემპიონატებზე იბრძოლებს. “იმედი მაქვს, რომ საქართველოში არსებულ მედალთა და წარმატებულ შედეგთა “ყულაბაში” კიდევ ბევრჯერ შეიტანს ჩვენი გუნდი წვლილს”- განაცხადა, ფედერაციის პრეზიდენტმა.

[:]

NO COMMENTS