[:ka]პრეზიდენტი სი არაპარტიულ ჯგუფებს გაერთიანებისაკენ მოუწოდებს[:]

[:ka]პარასკევს, 21 ივლისს გამართულ საერთაშორისო თათბირზე, ჩინეთის პრეზიდენტი სი ძინფინგი სიტყვით გამოვიდა. თათბირს ესწრებოდნენ არაკომუნისტური პარტიების, მრეწველობისა და ვაჭრობის  ფედერაციის წარმომადგენლები, ასევე არაპარტიული წევრები.

სიმპოზიუმზე, სიტყვით გამოსვლისას, ჩინეთის ცენტრალური კომიტეტის კომუნისტური პარტიის გენერალურმა მდივანმა, სი ძინფინგმა არაკომუნისტურ პარტიებს კონსენსუსისკენ მოუწოდა, რაც მომავალში მნიშვნელოვანია ჩინეთის კომუნუსტური პარტიის მიერ ქვეყნის მართვის  შენარჩუნებისა და სოციალისტური განვითარებისათვის.

პრეზიდენტმა პარტიების წევრებსა და მათთან დაკავშირებულ აქტორებს გაერთიანებისაკენ მოუწოდა და შესთავაზა ქვეყნის განვითარებისათვის ხელისშემშლელი სირთულეებისა და პრობლემების ობიექტური გზით მოგვარება. სიმ, ასევე იმედი გამოთქვა, რომ წარმომადგენლები სრულად იყენებენ თავიანთ უპირატესობას და ყურადღებას ამახვილებენ ქვეყნის ძირითად სტრატეგიულ გეგმაზე.

წარმომადგენლებმა უნდა გაითვალისწინონ ჩინეთის კომუნისტური პარტიის ცენტრალური კომიტეტის ანალიზი და არსებული ეკონომიკური მდგომარეობა. პრეზიდენტის განცხადებით, მათ უნდა შეძლონ ყველა რესურსის გამოყენება და ერთობლივი წვლილი შეიტანონ ყოვლისმომცველი საზოგადოების ჩამოყალიბებაში. სიმ ისისც აღნიშნა, რომ წლის პირველ ნახევარში ქვეყნის ეკონომიკურმა ინდექსმა მოლოდინს გადააჭარბა, მეტად სტაბილური მაკროეკონომიკითა და საარსებო საშუალებათა გაუმჯობესებით. ამასთანავე, მან ისაუბრა  იმ პრობლემებზეც, რომლებიც ამჟამად შეიმჩნევა ქვეყნის ეკონომიკაში და დასძინა, რომ მეტი ძალისხმევით უნდა მოხდეს მიწოდება-ნაკლოვანი სტრუქტურული რეფორმების განხორციელება, რათა გამოირიცხოს ძირითადი რისკები.

სიმპოზიუმზე სიტყვით წარსდგა პრემიერი ლი ქეციანგიც. მან ისაუბრა მიმდინარე წლის პირველ ნახევარში ქვეყნის ეკონომიკურ მდგომარეობაზე,  დამსწრე საზოგადოებას გააცნო პარტიის ცენტრალური კომიტეტის ეკონომიკური მუშაობის გეგმა, მიმდინარე წლის მეორე ნახევრისათვის.

სიმპოზიუმის დასასრულ, იქ მყოფმა ეკონომიკის სფეროს ათმა წარმომადგენელმა თავიანთ გეგმაზე ისაუბრეს, მათ შორის “ერთი სარტყელი ერთი გზა” პროექტის განვითარებაზე. მათ მიერ შეთავაზებულ წინადადებებში საუბარი იყო ადგილობრივი ხელისუფლების ვალის რისკების თავიდან აცილებზე, ღია ბაზრების გაძლიერებაზე, ლოჯისტიკის ეფექტიანობისა და ჯანდაცვის სისტემის გაუმჯობესებაზე, ასევე ახალი ენერგიის მდგრადი განვითარების ხელშეწყობაზე.

 [:]