[:ka]
ჭეძიანგის პროვინციაში, უ’ჭენში რიგით მე-4 მსოფლიო ინტერნეტ კონფერენცია გაიმართა, სადაც გამოფენილი იყო მსოფლიოს უახლესი ტექნოლოგიური მიღწევები. ოთხდღიან ღონისძიებას უ’ჭენის საერთაშორისო ინტერნეტ გამოფენისა და ყრილობის ცენტრმა უმასპინძლა.
წლევანდელ კონფერენციაში 400-ზე მეტი კომპანია ჩაერთო ქვეყნის 13 რეგიონიდან. მათ შორის იყვნენ არა მხოლოდ ინდუსტრიული გიგანტები, როგორიცაა BMW, Kaspersky, Alibaba და Tencent, არამედ საინფორმაციო ტექნოლოგიური სფეროს სტარტაპერები.
ექსპოს ახალი აღმოჩენა გახდა ხმის ამოცნობის კომპანია, IFly Tek-ის სათარგმნი მანქანა “Xiaoyi”, რომელმაც ღონისძიებაზე დამსწრე საზოგადოებათა დიდი ყურადღება მიიპყრო. კომპანიის ახალი პროდუქტი ასევე გამოიყენება კონფერენციებში ინტერპრეტაციისთვის.
მე-4 მსოფლიო ინტერნეტ კონფერენციის კიდევ ერთი აღმოჩენა გახდა საზიარო ველოსიპედების წამყვანი კომპანია Ofo, რომელიც პეკინში დაარსდა. “ჩვენი მიზანია ცხოვრების შემსუბუქება” – განაცხადა ლი პოფვეიმ, კომპანიის მენეჯერმა.
[:]
