კუანგტუნგი (გუანტუნი) პროვინციის ქალაქ კუანგჭოუში (გუანჭოუ) გამოჩნდა რობოტი, რომელსაც შეუძლია შეამოწმოს ადამიანთა სხეულის ტემპერატურა ხუთი მეტრის დაშორებით. ის პირველი რობო პატრულია ჩინეთში, რომელიც ამ მიმართულებით მუშაობს, რათა დაეხმაროს ქვეყანას ახალ კორნავირუსთან ბრძოლაში.
5G სატელეკომუნიკაციო ტექნოლოგიის საშუალებით, რობოტს აქვს ინფრაწითელი თერმომეტრი და შეუძლია შეამოწმოს ერთდროულად 10 ადამიანის ტემპერატურა.
მას ასევე შეუძლია განსაზღვროს, ატარებს თუ არა გამვლელი ნიღაბს, როგორც ამას უსაფრთხოების წესები მოითხოვს. მაღალი ტემპერატურის ან ნიღბის უქონლობის შემთხვევაში ირთვება სიგნალიზაცია.
საპატრულო რობოტები, GOSUNCN Group Co-ს მიერ იქნა შემუშავებული Guangzhou Development District-ში, 2016 წელს მოხვდნენ ბაზარზე, კომპანიამ ახალი კორონავირუსის გავრცელებისთანავე შეიმუშავა ახალი პროგრამები და რობოტები ვირუსთან საბრძოლველად მომართა.
კომპანიამ ვირუსის კონტროლისთვის რობოტები ქვეყნის უამრავ დიდ ქალაქში გაგზავნა, რათა ხალხი უსაფრთხოდ დაუბრუნდეს სამუშაო ადგილებს გაზაფხულის ფესტივლის არდადეგების შემდეგ.
კომპანიამ ასევე ხმარებაში ჩაუშვა პროდუქტი, რომელიც ხელს უწყობს ადვოკატსა და კლიენტს შორის დისტანციური შეხვედრების ჩატარებას, ასევე პოლიციელის მიერ დისტანციურად დაკითხვას – სიტუაციებს, რომელშიც ადამიანი ჩვეულებრივ, ნიღბებს არ ატარებს, მაგრამ ნიღბის უქონლობა ეპიდემიის დროს ჯანმრთელობას საფრთხეს უქმნის.
კომენტარის დატოვება
კომენტარის დასატოვებლად უნდა გაიაროთ ავტორიზაცია.