[:ka]როგორ ითბობდნენ ზამთარში ხელებს ჩინეთში[:]

[:ka]

ზამთრის დადგომასთან ერთად ჩვენი სხეულის კიდურებს გათბობა უჭირს და ადვილად ცივდება. თბილი ხელთათმანები ამ დროს კარგი არჩევანია, თუმცა, რაიმე საქმის შესრულებაში ის ხშირად გვიქმნის დისკომფორტს და არასასურველი ხდება.

ზამთრის ცივი დღეები ძველი ჩინელებისთვის პრობლემას არ წარმოადგენდა. მათ ხელთათმანზე მეტად ხელსაყრელი საშუალება გააჩნდათ, რომლითაც გაყინულ კიდურებს იოლად ითბობდნენ. ხელების გათბობის ამ საშუალების წარმოშობის შესახებ ზუსტი წერილობითი წყაროები არ მოიძებნება, თუმცა არსებობს უამრავი მითი მათ შესახებ.

ერთი ხალხური თქმულების თანახმად იმპერატორი იანგტი სუის დინასტიიდან (581-618), ზამთარში ხშირად სტუმრობდა ძიანგსუს. იქ გაბატონებული ცივი დღეების გამო, მისმა მოხელეებმა ადგილობრივ მწარმოებლებს სთხოვეს დაემზადებინათ ისეთი გათბობის ხელსაწყო, რომლის დაჭერასაც იმპერატორი ხელში შეძლებდა. სწორედ ასე შეიქმნა ხელის გამთბობი საშუალება.

 [:]