[:ka]
27 ივნისს პირველი ქართულ-ჩინური „საერთაშორისო რედაქცია” გაიხსნა. „საერთაშორისო რედაქციის” გახსნა ორ ქვეყნას შორის ურთიერთობის გაღრმავებისაკენ გადადგმული კიდევ ერთი ნაბიჯია. აღნიშნული პროექტი მიზნად ისახავს ქართულ-ჩინური კულტურული ურთიერთობების ხელშეწყობასა და განვითარებას.
გახსნით ცერემონიალს, რომელსაც საქართველოს ეროვნულმა ბიბლიოთეკამ უმასპინძლა, ესწრებოდნენ, როგორც საქართველოს ისე ჩინეთის მხარის წარმომადგენლები, სინოლოგთა ასოციაციის წევრები, მთარგმნელები, განათლებისა და მეცნიერების სამინისტროს წარმომადგენლები, პრესის წარმომადგენლები.
ღონისძიების დასაწყისს გაიმართა ჩინური გამომცემლობა „კომერციული პრესის” ამსახველი ვიდეო კლიპი. ამის შემდეგ, კი სტუმრების წინაშე წარსდგნენ საქართველოს პარლამენტის ეროვნული ბიბლიოთეკის გენერალური დირექტორი, გიორგი კეკელიძე, საქართველოში ჩინეთის სახალხო რესპუბლიკის საელჩოს წარმომადგენელი, ჩენ იუძიუნი, საქართველოს სინოლოგთა ასოციაციის დამფუძნებელი, მარინე ჯიბლაძე და ჩინური მხრიდან საპატიო სტუმარი, გამომცემლობა “კომერციული პრესის” გენერალური დირექტორის მოადგილე, ქალბატონი ვანგი.
“ეს არ არის მხოლოდ სასურველი საქმე, საკუთრივ ქართული კულტურისთვის, არამედ ვფიქრობ, რომ არის მნიშვნელოვანი ნაბიჯი ორი ქვეყნის მომავლისათვის”– განაცხადა გიორგი კეკელიძემ.
სიტყვით გამოსვლისას, მან კიდევ ერთხელ გაუსვა ხაზი აღნიშნული ღონისძიების მნიშვნელობას, წარმატებები უსურვა პროექტის ორგანიზატორებს. გამოსვლის ბოლოს, იმ ჩინური ელექტრონული ლაბორატორიის შესახებ ისაუბრა, რომელიც ეროვნულ ბიბლიოთეკაში ერთ თვეში გაიხსნება. ელექტრონულ ლაბორატორიას მთლიანად ჩინური კომპანია და საკუთრივ, ჩინეთის საელჩო დააფინანსებს. “ეს იქნება ყველაზე დიდი ციფრული ტექნოლოგიების საბიბლიოთეკო კომპანია, რომლისთვისაც მინდა ძალიან დიდი მადლობა ვუთხრა მათ.”- განაცხადა მან.
[:]
![Pinterest](https://pinterest.com/pin/create/button/?url=https://sinomedia.ge/%e1%83%a1%e1%83%90%e1%83%94%e1%83%a0%e1%83%97%e1%83%90%e1%83%a8%e1%83%9d%e1%83%a0%e1%83%98%e1%83%a1%e1%83%9d-%e1%83%a0%e1%83%94%e1%83%93%e1%83%90%e1%83%a5%e1%83%aa%e1%83%98%e1%83%90/&media=https://sinomedia.ge/wp-content/uploads/2018/06/36383574_10204428323105644_5317011131233992704_n.png&description=27 ივნისს პირველი ქართულ-ჩინური „საერთაშორისო რედაქცია" გაიხსნა. „საერთაშორისო რედაქციის" გახსნა ორ ქვეყნას შორის ურთიერთობის გაღრმავებისაკენ გადადგმული კიდევ ერთი ნაბიჯია. აღნიშნული პროექტი მიზნად ისახავს ქართულ-ჩინური კულტურული ურთიერთობების ხელშეწყობასა და განვითარებას.){kind=link}