0.8 C
Tbilisi
ოთხშაბათი, დეკემბერი 7, 2022

[:ka]საზოგადოება: ჩინეთის დისნეილენდი[:]

[:ka]

დისნეილენდი არის ერთ–ერთი საინტერესო ადგილი მცირეწლოვანი თუ უკვე ზრდასრული ტურისტებისათვის. ჩინეთში სტუმრობისას ადამიანებს ეძლევათ შესაძლებლობა ჰონგ–კონგსა და შანხაიში ეწვიონ დისნეილენდს.

ჰონგ–კონგის დისნეილენდის მშენებლობის შესახებ მოლაპარაკებები 1999 წლის თებერვალში დაიწყო, 2005 წლის სექტემბერში კი პარკი ოფიციალურად გაიხსნა. პარკი გაშლილია 126 ჰექტარზე. გარდა იმისა, რომ დისნეილენდში უამრავი ატრაქციონი და გასართობია, ასევე შეიძლება დასავლური და ჩინური დღესასწაულის აღნიშვნა, რაც განსაკუთრებულს ხდის ამ ადგილს სხვა დისნეილენდებისგან. პარკი დაყოფილია შვიდ ზონად, რომლებშიც   დისნეის პერსონაჟებიც  სიხარულით ელიან სტუმრებს.  დისნეილენდი დამთავლიერებლებს სთავაზობს სპეციალურ მობილურ აპლიკაციას, რომელიც აწვდის ინფორმაციას მდებარეობის შესახებ, სამუშაო საათების, ფასებისა და გასართობების შესახებ, გარდა ამისა, შესაძლებელია დაჯავშნაც.

შანხაის დისნეილენდი 2016 წლის 16 ივნისს გაიხსნა ოფიციალურად და ისიც შვიდ ზონად არის დაყოფილი და 390 ჰექტარს იკავებს.  პარკს აქვს საკუთარი ორი თემატური სასტუმრო. გახსნიდან ერთი წლის განმავლობაში შანხაის დისნეილენდმა მიიღო 11მლნ. სტუმარი და უკვე გადაასწრო პარიზისა და ჰონგ–კონგის დისნეილენდებს. მასაც აქვს მობილური აპლიკაცია სტუმრებისათვის უფრო მეტი კომფორტის შესაქმნელად. გარდა ამისა, აღსანიშნავია, რომ შანხაის დისნეილენდის შესასვლელი ბილეთები შედარებით დაბალ ფასად იყიდება და სხვადასხვა ასაკის სტუმარს სხვადასხვა შეღავათებს სთავაზობს.

ამგვარად, დისნეის პერსონაჟების ნახვა და დაუვიწყარი დროის გატარება უკვე ჩინეთის ორ ქალაქში არის შესაძლებელი.

[:]

- Advertisement -spot_img

More articles

- Advertisement -spot_img

Latest article