ჩინეთი, ოკეანეზე დაკვრივებისთვის ანტარქტიდაში სახმელეთო სადგურის აშენებას გეგმავს. რითაც, ხელს შეუწყობს საზღვაო ეკონომიკის მაღალხარისხიან განვითარებას. ინფორმაციის შესახებ, Global Times იტყობინება.
როგორც ჩინეთის ოკეანის სატელიტური სახმელეთო სეგმენტის ნაწილი, სახმელეთო სადგური აშენდება ჩინეთის სამეცნიერო კვლევით ბაზაზე ჭონგშანის სადგურზე ანტარქტიდაში, ჩინეთის აეროკოსმოსური მეცნიერების კორპორაციის საჰაერო კოსმოსური დიზაინის გამოყენებით. ეს მოიცავს მათ შორის ანტენის ბაზების, მიმღები ოთახის და კაბელების მშენებლობას.
„ანტარქტიდაზე სატელიტური სახმელეთო სადგურის აშენება ჩვენთვის შესაძლებლობაცაა და გამოწვევაც“, – განუცხადა პროექტის გუნდის თანამშრომელმა Global Times-ს, ანტარქტიდაში არსებული რთული გარემოს და საინჟინრო პროექტის შეზღუდული თეორიული კვლევისა და მეთოდოლოგიის გათვალისწინებით.
საპროექტო ჯგუფი 2018 წელს ჩინეთის 35-ე ანტარქტიდული ექსპედიციის გუნდთან ერთად განთავსდა ჭონგშანის სადგურში და 47 დღე გაატარა იმ ადგილების გამოკვლევაში, სადაც აპირებენ ანტენის ბაზების აშენებას და კაბელების გაყვანას. მათ ასევე გაატარეს დრო შენობებზე გამოყენებული საიზოლაციო მასალების გამოსაცდელად.
როგორც ცნობილია, ანტარქტიდაზე ეკოსისტემისა და გარემოს დასაცავად გამოიყენებენ წინასწარ აწყობილ შენობებს. შემდგომ კონსტრუქციებში ასევე იგეგმება თვითგანვითარებადი, ეკოლოგიურად სუფთა საიზოლაციო მასალების გამოყენებაც.
2002 წლის მაისში ჩინეთმა პირველი საზღვაო თანამგზავრი გაუშვა. ჯამში რვა თანამგზავრი განთავსდა ოკეანის ფერის, ტემპერატურის, ზღვის დინამიკის, სანაპირო ზონების რესურსებისა და ეკოლოგიის დაკვირვებისთვის. ეს დაკვირვებები ემსახურება საზღვაო კატასტროფების მონიტორინგს, საზღვაო რესურსების ექსპლუატაციას და საზღვაო ეკონომიკის განვითარებას.