[:ka]
როგორც ჩვენთვის გუშინ გახდა ცნობილი, 2017 წლის 13 მაისს, საქართველოსა და ჩინეთის სახალხო რესპუბლიკას შორის თავისუფალი ვაჭრობის შესახებ შეთანხმებას მოეწერა ხელი. ამის შესახებ, ქართულ მედიასთან ერთად ინფორმაცია საქართველოს საგარეო საქმეთა სამინისტროს ოფიციალურ ვებ-გვერდზეც განთავსდა:
„13.05.2017, თბილისი – დღეს, 2017 წლის 13 მაისს, საქართველოსა და ჩინეთის სახალხო რესპუბლიკას შორის თავისუფალი ვაჭრობის შესახებ შეთანხმება გაფორმდა. დოკუმენტს ხელი მოაწერეს საქართველოს ეკონომიკისა და მდგრადი განვითარებისა და ჩინეთის კომერციის მინისტრებმა“.
ის ორმხრივი სავაჭრო ურთიერთობები, რაც ბოლო წლების განმავლობაში საქართველოსა და ჩინეთს შორის არსებობს, ახალი შეთანხმების შედეგად მეტად გაღრმავდება, რაც ქვეყანის ეკონომიკაზე დადებითად იმოქმედებს. აგრეთვე, მიღწეული შეთანხმება ძალიან მნიშვნელოვანი სტიმულია საქართველოში ახალი საინვესტიციო პროექტების განხორციელების, მეწარმეობის განვითარებისა და ქართული პროდუქციის ექსპორტის ზრდის თვალსაზრისით, რაც თავისთავად დადებითად აისახება არამხოლოდ ეკონომიკურ წინსვლაზე, არამედ უმუშევრობის შემცირების მაჩვენებელზე.
როგორც წყაროშია ნახსენები, თავისუფალი ვაჭრობის შესახებ შეთანხმება საქართველოში წარმოებულ საქონელსა და მომსახურებას მსოფლიოს უმსხვილეს ბაზარს გაუხსნის, რომელიც დაახლოებით 1,4 მილიარდ მომხმარებელს აერთიანებს. ამასთან, ჩინეთში იმპორტირებული ქართული პროდუქციის დაახლოებით 94 პროცენტი საბაჟო გადასახადისგან გათავისუფლდება.
აღსანიშნავია, რომ საქართველოს თავისუფალი ვაჭრობის შეთანხმებები უკვე გაფორმებული აქვს ევროკავშირთან, თურქეთთან, დსთ-ს ქვეყნებთან და ევროპის თავისუფალი ვაჭრობის ასოციაციასთან (EFTA).
[:]
კომენტარის დატოვება
კომენტარის დასატოვებლად უნდა გაიაროთ ავტორიზაცია.