საქართველოს ელჩი ჩინეთში პეკინის ენისა და კულტურის უნივერსიტეტის პრეზიდენტს შეხვდა

2022 წლის 21 ივნისს, ჩინეთის სახალხო რესპუბლიკაში საქართველოს საგანგებო და სრულუფლებიანმა ელჩმა, არჩილ კალანდიამ საელჩოში გამართა შეხვედრა, პეკინის ენისა და კულტურის უნივერსიტეტის პრეზიდენტთან, ლიუ ლისთან.

შეხვედრაზე მხარეებმა განიხილეს ორმხრივი თანამშრომლობის საკითხები, მათ შორის საქართველოს შესაბამის უმაღლეს სასწავლებლებთან პირდაპირი კონტაქტების გააქტიურების კუთხით და აღნიშნული უნივერსიტეტის ბაზაზე, საქართველოს კვლევითი ცენტრის დაარსების შესაძლებლობა.

ელჩი და უნივერსიტეტის პრეზიდენტი შეთანხმდნენ კოორდინირებულ მუშაობაზე.