2022 წლის 5 ივლისს, საქართველოს საგანგებო და სრულუფლებიანი ელჩი, არჩილ კალანდია მონაწილეობდა პეკინში გამართულ “10th World Peace Forum“-ში, სადაც მიწვეულები იყვნენ, მსოფლიოს სხვადასხვა სახელმწიფოების უმაღლესი და მაღალი რანგის ყოფილი თანამდებობის პირები, პეკინში აკრედიტებული დიპლომატიური მისიებისა და აკადემიური წრეების წარმომადგენლები.
აღნიშნული ფორუმის ფარგლებში გამართულ პანელში, სათაურით – “Promoting High Quality Belt and Road International Cooperation“, საქართველოს ელჩი იყო ერთ-ერთი მომხსენებელი, სადაც მან აღნიშნა, საქართველოს აქტიური ჩართულობის მნიშვნელობა “სარტყელისა და გზის“ გლობალურ ინიციატივაში და განსაკუთრებული ყურადღება გაამახვილა, ქვეყნის სავაჭრო, სატრანსპორტო, სატრანზიტო და ლოგისტიკურ შესაძლებლობებზე.
წყარო: საქართველოს საელჩო ჩინეთის სახალხო რესპუბლიკაში
