2019 წლის 15 ოქტომბერს საქართველოს ტექნიკური უნივერსიტეტის საინჟინრო ეკონომიკის, მედიატექნოლოგიებისა და სოციალურ მეცნიერებათა ფაკულტეტთან არსებული ჩინეთის კვლევების ინსტიტუტი საზეიმოდ გაიხსნა.
ინსტიტუტის დამფუძვნებლები არიან: ჩინეთის სოციალურ მეცნიერებათა აკადემია და საქართველოს ტექნიკური უნივერსიტეტი.
ამავე დღეს გაიმართა საერთაშორისო კონფერენცია თემაზე:
“ჩინეთ-საქართველოს ურთიერთობები – აკადემიური დიალოგი ნათელი მომავლისათვის”.
ღონისძიების ფარგლებში მოეწყო ჩინეთის სახალხო რესპუბლიკის დაარსების 70 წლისდამი მიძღვნილი საიუბილეო გამოფენა.
ახლად დაარსებული ინსტიტუტი მიზნად ისახავს საქართველო-ჩინეთს შორის საგანმანათლებლო და სამეცნიერო ურთიერთობების საფუძვლიან ხელშეწყობას, აკადემიური კავშირების გაძლიერებას. ორ ქვეყანას შორის სტრატეგიული თანამშრომლობის ახალი პლატფორმის მეთოდების შემუშავებას, ქართველი მეცნიერებისა და სტუდენტების გაცვლითი პროგრამების დანერგვას ჩინეთის სოციალურ მეცნიერებებათა აკადემიასა და აკადემიის შემადგენლობაში არსებულ ასზე მეტ ინსტიტუტში.
ღონისძიებაში მონაწილეობა მიიღო ჩინეთის სახალხო რესპუბლიკის ელჩმა საქართველოში და ხელისუფლების, დიპლომატიური კორპუსისა და აკადემიური წრეების წარმომადგენლებმა.
კომენტარის დატოვება
კომენტარის დასატოვებლად უნდა გაიაროთ ავტორიზაცია.