[:ka]
საქართველოსა და ჩინეთს ერთმანეთთან ახლო კომუნიკაცია და კოორდინაცია აქვთ საერთაშორისო საკითხებზე. ესმით და მხარს უჭერენ ერთმანეთს ისეთ საკითხებში, რომლებიც ორივე ქვეყნის ძირითად ინტერესებს ეხება. ბოლო წლებში ორ ქვეყანას შორის ურთიერთობა სტაბილურად ვითარდება, შედეგად კი იზრდება ორმხრივი პოლიტიკური ნდობა და თანამშრომლობა ეკონომიკის, კულტურისა და განათლების სფეროში.
საქართველოსა და ჩინეთს შორის მეოცე საუკუნეში სავაჭრო ბრუნვა მხოლოდ 3.7 მილიონ ამერიკულ დოლარს შეადგენდა, თუმცა ბოლო წლებში ჩინეთის დაინტერესება ჩვენი ქვეყნით საგრძნობლად გაიზარდა, თუ ოცდამეერთე საუკუნის დასაწყისში ეს გამოიხატებოდა ინფრასტრუქტურის განვითარებისთვის ჩინური კრედიტებით , ბოლო წლებში ჩინეთი უკვე თავად გვევლინება ერთ-ერთ მთავარ ინვესტორად და მოთამაშედ. “შუა სამეფო” უკვე საქართველოს ნომერ მესამე სავაჭრო პარტნიორია, თურქეთის და აზერბაიჯანის შემდეგ. თუ 2006 წელს ქვეყნებს შორის სავაჭრო ბრუნვა 115 მილიონი ამერიკული დოლარი იყო, 2014 წლისთვის ის 820 მილიონ ამერიკულ დოლარს შეადგენდა. 2014 წელს საქართველოდან ექსპორტი 2009 წლის მაჩვენებელთან შედარებით 1800 პროცენტით გაიზარდა. რაც შეეხება პირდაპირ უცხოურ ინვესტიციებს (FDI) 2011 წლისთვის ის 9.6 მილიონ ამერიკულ დოლარის ნიშნულზე იყო, 2014 წელს კი 200 მილიონს მიაღწია. უკვე 2016 წლის იანვარ-თებერვალში სავაჭრო ბრუნვამ 109,1 მილიონი დოლარი შეადგინა, რაც საქართველოს სრული სავაჭრო ბრუნვის 7,7% შეადგენს. ჩინეთში სპილენძის მადანი და კონცენტრატი, სპილენძის მეორადი ნედლეული და ალკოჰოლი გადის. 2015 წელს ქართული ღვინის ექსპორტი 122%-ით გაიზარდა. სულ ჩინეთში 2015 წელს 2,7 მლნ ბოთლი (0,75 ლ) ღვინო გავიდა, რაც ღვინის მთელი ექსპორტის 7,4 %-ს შეადგენს. 2016 წლის დასაწყისიდან ჩინეთში 371,3 ათასი ბოთლი გავიდა.
დღეისათვის ჩინეთი უკვე შეგვიძლია საქართველოს ერთ-ერთ ყველაზე მჭიდრო ეკონომიკურ პარტნიორად მივიჩნიოთ, თუმცა ჩინეთის ინტერესი კიდევ უფრო ძლიერდება და ეს ციფრები მომავალში საგრძნობლად გაიზრდება.
[:]
კომენტარის დატოვება
კომენტარის დასატოვებლად უნდა გაიაროთ ავტორიზაცია.