[:ka]
შუაგულ პეკინში Jumbo Seafood Restaurant ეს ის ადგილია, სადაც შეძლებთ სინგაპურის ნაციონალური კერძი, ცხარე კიბორჩხალები დააგემოვნოთ.
ცხარე კიბორჩხალებს ტომატის, წიწაკისა და კვერცხის სოუსში ამზადებენ. შემდეგ, კი ნაზავს ნიორსა და ლიმონს უმატებენ. მადისაღმძვრელ წითელ კიბორჩხალებთან ერთად თქვენ შეგიძლიათ მიირთვათ ორთქლზე დამზადებული ან უბრალოდ ზეთში შემწვარი ფუნთუშები.
Jumbo Seafood Restaurant შანხაიში 1987 წელს გაიხსნა. დღეს შანხაიში ასეთი სამი რესტორანია. წლის ბოლოს, კი კიდევ ერთი მათგანის გახსნა იგეგმება.
“ჩვენს რესტორანში თქვენ შეგიძლიათ სინგაპურის ნამდვილი ზღვის პროდუქტები დააგემოვნოთ. კიბორჩხალები და კიდევ ბევრი ზღვის პროდუქტი შემოგვაქვს ისეთი ქვეყნებიდან, როგორიცაა შრი-ლანკა და ფილიპინები. სანელებლები კი ძირითადად სინგაპურიდან და მალაიზიიდანაა” – აცხადებს, Jumbo Seafood Restaurant – ის შეფმზარეული. მისივე განცხადებით, რესტორანი საკუთარ სტუმრებს 5 სხვადასხვა სახეობის კიბორჩხალას სთავაზობს, რომელთა მომზადების წესიც განსხვავებულია. თქვენზეა დამოკიდებული ორთქლზე დამზადებულს მიირთმევთ თუ ცხარე სოუსთან ერთად.
რესტორნის კიდევ ერთი ყველაზე პოპულარული კერძია კიბორჩხალა შავი წიწაკით, რომელიც თავისი მძაფრი არომატით გამოირჩევა.
[:]
კომენტარის დატოვება
კომენტარის დასატოვებლად უნდა გაიაროთ ავტორიზაცია.