[:ka]სი ძინფინგის შეხვედრა ამერიკის საზღვაო ძალების გენერალთან[:]

[:ka]

ხუთშაბათს, 17 აგვისტოს პეკინის ხალხის დიდ დარბაზში, ჩინეთის პრეზიდენტი სი ძინფინგი ამერიკის შეერთებული შტატების საზღვაო ძალების გენერალს, ჟოზეფ დუნფორდს შეხვდა.  დუნფორდი არის პირველი სამხედრო ოფიცერი, რომელიც ჩინეთს დონალდ ტრამპის პრეზიდენტად არჩევის შემდეგ ეწვია.

შეხვედრისას ჩინეთის პრეზიდენტმა ქვეყნებს შორის თანამშრომლობის პერიოდი გაიხსენა და დასძინა, რომ “ცისარტყელა ცაზე ქარისა და წვიმის შემდეგ ჩნდება”. ჩინეთმა და ამერიკამ უნდა გააძლიეროს კონტაქტები და სათანადოდ მოაგვაროს უთანხმოებები. უმსხვილესი ეკონომიკის მქონე ორმა ქვეყანამ ყველაფერი უნდა გააკეთოს მსოფლიო მშვიდობისა და სტაბილურობისათვის და ხელი შეუწყოს გლობალურ განვითარებასა და კეთილდღეობას.

გენერლის ჩინეთში სტუმრობის ერთ-ერთი მთავარი მიზეზი კორეის ნახევარკუნძულზე განვითარებული ბოლოდროინდელი მოვლენები გახდა. ოფიცერის თქმით, ვაშინგტონი მზად არის ჩინეთთან სათანადო და გულახდილი მოლაპარაკებები აწარმოოს სამხედრო საკითხებთან დაკავშირებით, ასევე, გააფართოვოს და გააძლიეროს კავშირები, მართოს და აღმოფხვრას რისკები.

სამხედრო ლიდერების შეხვედრას ესწრებოდა ჩინეთის ცენტრალური სამხედრო კომისიის ვიცე-თავმჯდომარე, ფვან ჩანგლუნგიც. მან შეხვედრისას ხაზი გაუსვა იმას, რომ შეთანხმება და მხარეებს შორის დიალოგი არის ერთადერთი გზა რითაც მოგვარდება აღნიშნული საკითხი. საკითხით დაინტერესებულმა ყველა მხარემ სიტუაციის აღმოფხვრასა და რისკების თავიდან აცილებაზე უნდა იზრუნოს, განაცხადა მან.

შეხვედრის ბოლოს, პრეზიდენტმა სი ძინფინგმა გენერალს განუცხადა, რომ ის მიესალმება დონალდ ტრამპის ვიზიტს ჩინეთში, რომელიც სავარაუდოდ წლის ბოლომდე გაიმართება.

ჩინეთში ვიზიტისას, ამერიკის შეერთებული შტატების საზღვაო ძალების გენერალი სახელმწიფო მრჩეველს  იანგ ძიეჩ’-საც შეხვდა და მათ ძირითადი საერთაშორისო და რეგიონალური საკითხები განიხილეს.

[:]