[:ka]ჩინური მთვარის კალენდრის მეშვიდე თვე სულების თვედ არის მიჩნეული. სულების ფესტივალი მთვარის კალენდრის მიხედვით მე-7 თვის მე-15 დღეს აღინიშნება და მას ჩინეთში ჩუნგ -იუენს უწოდებენ. წელს დღესასწაული 5 სექტემბერს აღნიშნეს.
სულების შესახებ დღესასწაული ბუდიზმის ისტორიებიდან მოდის. მოგალანა ბუდა შაკიამუნის საუკეთესო მოსწავლე იყო. ღვთაებრივი თვალების პატრონი მოგალანა ზებუნებრივ ძალებს ფლობდა. ერთ დღესაც მან დაინახა, რომ მისი მომაკვდავი დედა მშიერ სულთა შორის ჩაიკეტა. ჯოჯოხეთში გადავიდა, აავსო თასი საჭმლით და სცადა დედა გადაერჩინა. მოგალანამ ტირილი დაიწყო და დახმარება ბუდას სთხოვა. ბუდამ უპასუხა, რომ მისი დედის მიერ ჩადენილი ცოდვები მძიმე იყო და ამის მიტევება მას არ შეეძლო. ცოდვებისგან განსათავისუფლებლად 1000 ბერის ძალთა გაერთიენება იყო საჭირო. ასეთი დღე კი მთვარის კალენდრის მე-7 თვის მე-15 დღეს დადგებოდა. ბუდას მითითებებითა და ბერების გასაოცარი სულიერი ძალის დახმარებით, მოგალანას დედამ მშიერ უმწეოთაგან განთავისუფლება შეძლო.
დღეს მსგავს რიტუალებს კვლავ ატარებენ ბუდისტურ ტაძრებში ტანჯულ სულთა განსათავისუფლებლად.
ყოველწლიურად სულების ფესტივალზე ადამიანები იკრიბებიან ტაძრებსა და სახლებში, რათა ილოცონ ცოდვილი სულების განსათავისუფლებლად და ღმერთების სადიდებლად. ამას გარდა , ირთვება საზეიმოდ სახლები ყვავილებითა და ფერადი ნათურებით.
[:]
კომენტარის დატოვება
კომენტარის დასატოვებლად უნდა გაიაროთ ავტორიზაცია.