[:ka]
ჩინეთის სახალხო რესპუბლიკის საგარეო საქმეთა სამინისტრომ ემიგრაციის ეროვნული ადმინისტრაციის ვებგვერდზე უცხო ქვეყნის მოქალაქეების ჩინეთის ტერიტორიაზე შესვლის დროებითი შეჩერების შესახებ ოფიციალური განცხადება გამოაქვეყნა.
გთავაზობთ განცხადებას სრულად:
მთელ მსოფლიოში COVID-19–ის სწრაფი გავრცელების გათვალისწინებით, ჩინეთმა მიიღო გადაწყვეტილება, რომ დროებით შეაჩეროს უცხო ქვეყნის მოქალაქეების ჩინეთის ტერიტორიაზე შესვლა. აკრძალვა ეხება ვიზებს ან ბინადრობის ნებართვებს, რომლებიც ძალაშია ამ დრომდე. განცხადება ძალაში შევა 2020 წლის 28 მარტის დილის 00:00 საათიდან. ასევე შეჩერდება უცხო ქვეყნის მოქალაქეების მიერ APEC ბიზნეს – ბარათები. შეზღუდვა შეეხება მათ შორის საპორტო ვიზებს, უვიზო მიმოსვლის 24/72/144 საათიან სატრანზიტო პოლისებს, ჰაინანის 30-დღიან, 15-დღიან უვიზო პოლისს, რომელიც განსაზღვრულია შანხაის პორტში უცხოელი საკრუიზო ჯგუფის მოგზაურობისთვის, ასევე დროებით შეჩერდება გუანტუნგის 144-საათიანი უცხოელი ტურისტული ჯგუფებისთვის განსაზღვრულ უვიზო მიმოსვლა, ჰონგ კონგიდან ან მაკაოს SAR-დან, და კუანგსის 15-დღიან უვიზო მიმოსვლა, რომელიც განსაზღვრულია ASEAN-ის ქვეყნების უცხოელი ტურისტული ჯგუფებისთვის.
გადაწყვეტილება არ შეეხება ქვყანაში დიპლომატიური, მომსახურების, პროვილეგიის ან C ვიზებით შესვლას. უცხო ქვეყნის მოქალაქეებმა, რომლებსაც ჩინეთში მნიშვნელოვანი ეკონომიკური, სავაჭრო, სამეცნიერო ან ტექნოლოგიური საქმიანობისთვის ან საგანგებო ჰუმანიტარული საჭიროებებისთვის ესაჭიროებათ ჩინეთში შემოსვლა, ვიზებისთვის მათ უნდა მიმართონ ჩინეთის საელჩოებს ან საკონსულოებს. ამ განცხადების შემდეგ გაცემული ვიზებით უცხო ქვეყნის მოქალაქეების ჩინეთის ტერიტორიაზე შემოსვლა არ შეეზღუდებათ.
შეჩერება დროებითი ღონისძიებაა, ჩინეთი იძულებულია, გაითვალისწინოს ვითარება და სხვა ქვეყნების პრაქტიკა. ჩინეთი ყველა მხარესთან მჭიდრო კავშირში დარჩება და სპეციალური პირობების შესაბამისად, გაგზავნის პერსონალის მსოფლიოს სხვა ქვეყნებში. ზემოხსენებული ზომების ცვლილება მოხდება შესაბამისი ვითარების გათვალისწინებით და გამოცხადდება შესაბამისად.
[:]
