თებერვალი4 , 2023
კონსულტაციაფრენებიჩინეთთან ფრენები იანვრიდან აღდგება

ჩინეთთან ფრენები იანვრიდან აღდგება

ეკონომიკის მინისტრის მოადგილის მარიამ ქვრივიშვილის თქმით, საქართველო ჩინეთთან რეგულარულ ფრენებს იანვრიდან განაახლებს.

-

- Advertisment -spot_img

China Southern Airlines – ჩინეთის სახალხო რესპუბლიკის ერთ-ერთი მოწინავე ავიაკომპანია საქართველოს მიმართულებით იანვრიდან განაახლებს რეგულარულ საჰაერო მიმოსვლას.

ეკონომიკის მინისტრის მოადგილის მარიამ ქვრივიშვილის თქმით, ჩინეთი საქართველოს ტურისტული სექტორის ერთ-ერთი პრიორიტეტული სახელმწიფოა.

საქართველოს ეკონომიკისა და მდგრადი განვითარების მინისტრის მოადგილემ მარიამ ქვრივიშვილმა განაცხადა: „სასიხარულოა, რომ ჩინეთთან პირდაპირი ავიამიმოსვლა აღდგება. ტრადიციულად, ჩინეთიდან ჩამოსული ტურისტები გამოირჩევიან მხარჯველუნარიანობით. დარწმუნებული ვარ, რომ პირდაპირი რეისები ხელს შეუწყობს მეტი ჩინელი ტურისტის ჩამოსვლას, აგრეთვე დადებითად აისახება 2023 წელს ტურიზმისა და სამოქალაქო ავიაციის სექტორის განვითარების დინამიკაზე და დამატებითი სტიმული გახდება საქართველოსა და ჩინეთს შორის სავაჭრო – ეკონომიკური ურთიერთობების გაღრმავების მიმართულებითაც.”

მინისტრის მოადგილის ინფორმაციით, საქართველოს ეკონომიკისა და მდგრადი განვითარების სამინისტრო და ქვეყნის საავიაციო პოლიტიკის განმსაზღვრელი სხვა უწყებები აქტიურად ცდილობენ საქართველოს ავიაბაზარზე ახალი ავიაკომპანიები შემოიყვანონ. მისი თქმით, საქართველოს სამოქალაქო ავიაციის სექტორში რეგიონულ სატრანზიტო ჰაბად გარდაქმნის ყველანაირი შესაძლებლობა აქვს.

სამინისტროს ინფორმაციის მიხედვით, 2019 წელს, პანდემიამდე, ჩინეთიდან 48,071 საერთაშორისო ვიზიტი განხორციელდა. ეს მაჩვენებელი 2018 წელთან შედარებით 50.9%-ით იყო გაზრდილი, ხოლო ტოპ 15 ვიზიტორ ქვეყანას შორის ჩინეთი მეთხუთმეტე ადგილზე იმყოფებოდა.

რეგულარული ფრენები ურუმჩი-თბილისი-ურუმჩის საჰაერო მარშრუტზე იანვრიდან განახლდება. საქართველოს სამოქალაქო ავიაციის სააგენტოში წარმოდგენილი ინფორმაციით, ურუმჩისა და თბილისს შორის რეგულარული ფრენები ზამთრის სანავიგაციო სეზონის ბოლომდე – 2023 წლის 25 მარტამდე, კვირაში 1 ფრენის სიხშირით, ყოველ პარასკევს შესრულდება.

2020 წლის იანვარს, China Southern Airlines-ის მიერ საქართველოს მიმართულებით ფრენების შეჩერების მიზეზი გახდა კოვიდ-19-ის ინფექციით გამოწვეული პანდემია. უკანასკნელი რეგულარული რეისი საქართველოს მიმართულებით ჩინეთიდან 2020 წლის 23 იანვარს განხორციელდა.

ჩინეთში საერთაშორისო მიმოსვლის დროებითი ზომები 8 იანვრიდან ამოქმედდა.
დეტალურ ინფორმაციას აღნიშნული ზომების შესახებ ჩვენს სიახლეში წაიკითხავთ

shorturl.at/adrtH 

By Jules Meulemans - http://www.airliners.net/photo/China-Southern-Airlines/Airbus-A330-223/1903623/L/, GFDL, https://commons.wikimedia.org/w/index.php?curid=17598826

უახლესი სტატიები

კურდღლის წელიწადში დაბადებული ცნობილი პეკინელები

ჩინეთში კურდღლის წელი უკვე დადგა. კურდღლის ზოდიაქოს ნიშნის ქვეშ ძალიან ბევრი ცნობილი ადამიანია დაბადებული. კინოსამყაროს ისეთი ცნობილი წარმომადგენლები, როგორებიც...

ჩინეთი ეკონომიკური ზრდის მთავარ მიზეზად ინოვაციებს მიიჩნევს

ეკონომისტების მოსაზრებით, ინოვაციებისკენ ჩინეთის სწრაფვა დააჩქარებს პროდუქტიულობის ზრდას და წარმოშობს უფრო განვითარებად ინდუსტრიებს, რაც თავის მხრივ, ქვეყნის მაღალი ხარისხის...

მწვანე განვითარების ახალი ეპოქა

ხუთშაბათს, ჩინეთმა გამოაქვეყნა მთავრობის ანგარიში (თეთრი ფურცელი) თავისი მწვანე განვითარების შესახებ ახალ ეპოქაში, სადაც აღწერილია, თუ როგორ დარჩა ქვეყანა...

მრავალსაუკუნოვანი ჩაის ბაღი – გამორჩეული ადგილი უცხოელებისთვის

ლონგუს ჩაის ბაღი სამხრეთ-დასავლეთ ხანგჭოუში მდებარეობს. იგი ურბანული აურზაურისგან თავის დაღწევის საუკეთესო საშუალებაა. ცოტა ხნის წინ, მისი თვალწარმტაცი პეიზაჟებისა...

მსოფლიო სუფთა ენერგიის წარმოების ახალი ეპოქის წინაშეა

ენერგეტიკის საერთაშორისო სააგენტოს განხცადებით, მსოფლიო ენერგეტიკის წარმოების ახალი ინდუსტრიული ხანის წინაშე დგას, რომლის ღირებულება 2030 წლისთვის სამჯერ გაიზრდება და...

“ჩუნძიე” – ჩემი თვალით დანახული გაზაფხულის დღესასწაული

ჩინეთში რომ მოვდიოდი, კარგად ვიცოდი რომ ჩინური ახალი წელი ყველაზე დიდი და გრანდიოზული დღესასწაული იყო ჩინელებისთვის, თუმცა ნანახმა მოლოდინს...

წაიკითხეთ მსგავსი
რეკომენდირებული სტატიები

%d bloggers like this: