[:ka]
სამინისტროს სამეცნიერო-კვლევითი ცენტრისა და ჩინური კომპანიის „ხუნანის“ სოფლის მეურნეობის ჯგუფის ერთობლივი პროექტის – „სასათბურე ბოსტნეულის წარმოება“ ფარგლებში, სტუდენტებმა და 35-მდე ფერმერმა ორკვირიანი ტრენინგი რუსთავსა და მარნეულში გაიარეს.
სასწავლო კურსის ფარგლებში, ფერმერებს, აგრარული მიმართულების სტუდენტებს და სხვა დაინტერესებულ პირებს ბოსტნეული კულტურების მოვლა-მოყვანის თანამედროვე ტექნოლოგიებზე, მზის სათბურების მშენებლობასა და მართვის საკითხებზე მიაწოდეს ინფორმაცია.
პრაქტიკული სწავლების მონაწილეებმა სოფელ შულავერში გაიარეს და ბოსტნეულის მყნობისა და ჩითილების გამოყვანის პროცესში მიიღეს მონაწილეობა.
პროექტის „სასათბურე ბოსტნეულის წარმოება“ ფარგლებში, გადამზადების კურსი საქართველოსა და ჩინეთში 400-მდე ქართველმა ფერმერმა და დაინტერესებულმა პირმა უკვე გაიარა. სასწავლო კურსები ჩინეთის სახალხო რესპუბლიკის ვაჭრობის სამინისტროს ფინანსური მხარდაჭერით ხორციელდება.
ამავე პროექტის ფარგლებში, მარნეულის მუნიციპალიტეტის სოფელ შულავერში, ხუნანის სოფლის მეურნეობის ჯგუფის მიერ კვლევითი ცენტრის კუთვნილ 5 ჰექტრამდე მიწის ფართობზე სამეცნიერო-კვლევითი დანიშნულების მზის და ერთსივრციანი 6 დიდი და 27 პატარა სათბური აშენდა.
რიგით მე-11 ტრენინგი 19 ივნისს დაიწყება.
[:]
