[:ka]ჩინეთის ახალგაზრდული ორკესტრის პირველი ნაბიჯები[:]

[:ka]ჩინეთში პირველი ეროვნული ახალგაზრდული ორკესტრი ჩამოყალიბდა.

როგორც მედიისთვისაა ცნობილი, ორკესტრის შემადგენლობაში 53 ქალი და 52 მამაკაცი მუსიკოსი შედის, რომელთა საშუალო ასაკი 14-დან 21 წლამდეა. ორკესტრის თითოეული წევრი ჩინური წარმომავლობისაა. ახალგაზრდა მუსიკოსთა შერჩევა ხუთი თვის განმავლობაში მიმდინარეობდა.

“სინამდვილეში ჩინეთში რამდენიმე მუსიკალური ინსტიტუტი საკუთარი ახალგაზრდული ორკესტრის მფლობელია, მაგრამ ეს პირველი შემთხვევაა, როდესაც ახალგაზრდა ჩინელი მუსიკოსები მთელი მსოფლიოდან საერთო კულტურულ მემკვიდრეობას წარუდგენენ მსოფლიოს”-განაცხადა, ჩინეთის ეროვნული ახალგაზრდული ორკესტრის თანადამფუძნებელმა.

ცნობილია, რომ შანხაის დაფუძნებული ვაილიან ჯგუფის სპონსორობით, ჩინეთის ახალგაზრდული ორკესტრის წევრები აშშ-ში ივლისში სრული სტიპენდიით გაემგზავრებიან. ორი კვირის განმავლობაში ისინი რეპეტიციებს და მასტერკლასებს გაივლიან ამერიკელ პროფესიონალებთან, აგრეთვე დაესწრებიან სემინარებს და ეწვევიან აშშ-ს ახალგაზრდულ ორკესტრს.

აშშ-ში ორკვირიანი ტრენინგისა და კარნეგის ჰოლში ჩატარებული კონცერტის შემდეგ, ახალგაზრდა მუსიკოსები ივლისში საზეიმო ღონისძიებას გამართავენ პეკინსა და შანხაიში.

რამდენიმე დღის წინ, ეროვნული ახალგაზრდული ორკესტრის ორი წევრი მედიას შეხვდა.

14 წლის ოუიანგ პეილი უკრავს საყვირზე, ხოლო 17 წლის სიე ლიუენი კი მევიოლინეა. ისინი შანხაის კონსერვატორიის მოსწავლეები არიან.  მედიასთან შეხვედრისას მათ განაცხადეს, რომ მოხარულნი არიან ახალი გამოწვევით და იმედოვნებენ, ეროვნულ ახალგაზრდულ ორკესტრში მოღვაწეობა მათ დიდ წარმატებას მოუტანს.

 

 

 [:]

კომენტარის დატოვება