2022 წლის 27 ივნისს, ჩინეთის ელჩმა ჭოუ ციენმა საქართველოს პარლამენტის თავმჯდომარესთან შალვა პაპუაშვილთან გაცნობითი ხასიათის შეხვედრა გამართა. შეხვედრას ასევე ესწრებოდნენ განათლებისა და მეცნიერების კომიტეტის თავმჯდომარე და ჩინეთის სახალხო რესპუბლიკის პარლამენტთან მეგობრობის ჯგუფის ხელმძღვანელი გიორგი ამილახვარი და პარლამენტის თავმჯდომარის კაბინეტის უფროსი ლევან მახაშვილი.
შეხვედრაზე მხარეებმა დადებითად შეაფასეს დიპლომატიური ურთიერთობების ოცდაათწლიან პერიოდში ჩინეთ-საქართველოს შორის პოლიტიკის, ეკონომიკის, ვაჭრობის, კულტურის, განათლების და სხვ. სფეროებში თანამშრომლობის შედეგები და ორი ქვეყნის საკანონმდებლო ორგანოებს შორის თანამშრომლობის გაღრმავების საკითხები განიხილეს.