-0.2 C
Tbilisi
ოთხშაბათი, დეკემბერი 7, 2022

[:ka]”ჩინეთის ექსპერტი 2017” დაჯილდოება გაიმართა [:]

[:ka]

19 ნოემბერს “ჩინეთის ექსპერტი 2017”-ის დაჯილდოების ცერემონიალი გაიმართა. უპრეცენდენტო ონლაინ კონკურსი მედია პლატფორმა “სინომედია”-სა და საქართველოს სინოლოგთა ასოციაციის ერთობლივად ორგანიზებითა და ჩინეთის სახალხო რესპუბლიკის მხარდაჭერით ჩატარდა და საქართველო-ჩინეთის დიპლომატიური ურთიერთობების 25 წლისთავს მიეძღვნა.

კონკურსის დასკვნით ცერემონიალს საზეიმოდ უმსაპინძლა Hotels & Preference Hualing Tbilisi-მა. კონკურსის გამარჯვებულ საუკეთესო 20-ეულთან ერთად დაჯილდოებას ესწრებოდნენ საგანგებოდ მოწვეული სტუმრები, რომელთა შორისაც იმყოფებოდნენ განათლების, მეცნიერებისა და კულტურის კომიტეტის თავმჯდომარე მარიამ ჯაში, “საპარტნიორო ფონდის” აღმასრულებელი დირექტორი დავით საგანელიძე, საქართველოს სავაჭრო-სამრეწველო პალატის პრეზიდენტი ნინო ჩიქოვანი და ჩინეთის სრულუფლებიანი ელჩის ძი იენჩის მრჩეველი, წუო ხუნპო, საქართველოს საგარეო საქმეთა სამინისტროსა და საქართველოს განათლებისა და მეცნიერების სამინისტროს წარმომადგენლები და სხვა საპატიო სტუმრები, საგანგებოდ მოწვეულმა სტუმრებმა კონკურსის გამარჯვებულებს თავად გადასცეს საჩუქრები.

უპრეცედენტო ონლაინ კონკურსის “ჩინეთის ექსპერტი 2017”-ის დაჯილდოების ცერემონიალი სიტყვით გახსნა ქართულ-ჩინური მედია პლატფორმის “სინომედია” პრეზიდენტმა და დამფუძნებელმა ანა გოგუაძემ. გამოსვლისას მან ისაუბრა ქართულ-ჩინური მედია პლატფორმის ჩამოყალიბებისა და კონკურსის მნიშვნელობაზე, მადლობა გადაუხადა იქ დამსწრე საზოგადოებას მობრძანებისათვის, სპონსორებს ნდობისა და მხარდაჭერისთვის.

კონკურსს სპონსორობას უწევდნენ ისეთი ჩინური და ქართული კომპანიები, როგორებიცაა: ჩინეთის სამხრეთის ავიახაზები, ZTE, კავკასიის მარგალიტი, ტუნგძი პოლი, სათავადო, ჰუალინგ ჰოთელს ენდ პრეფერენს თბილისი, ჰუალინგ ჯგუფი, კანტი და სხვანი.

ღონისძიება საზეიმოდ იყო გაფორმებული. იქ დამსწრე საზოგადოების წინაშე წარსდგნენ შემსრულებლები მრავალფეროვანი ნომრებით.

ღონისძიებას საკონცერტო ნაწილში მონაწილეობას იღებდნენ, სუხიშვილები, საქართველოს უშუს ეროვნული ფედერაცია, შავფაროსნები, თბილისის კონსერვატორიისა და ვ.ჭაბუკიანის საბალეტო სკოლის კურსდამთავრებულები, კონფუცის ინსტიტუტის მოხალისე მასწავლებელი.

ღონისძიების ბოლოს საზეიმოდ გამოცხადდა უპრეცენდენტო ონლაინ კონკურსის გამარჯვებული. პირველი ადგილის მფლობელი გახდა ვასილ ქარსელაძე, რომელსაც სინომედიისგან გადაეცა საგზური ჩინეთში და ვიდეოკამერა.

[:]

- Advertisement -spot_img

More articles

- Advertisement -spot_img

Latest article