ჩინეთის რბოლა დროის წინააღმდეგ: უმოკლეს დროში აშენებული საავადმყოფოები

0

”დრო სიცოცხლეა. ჩვენ გვაქვს რბოლა სიკვდილის წინააღმდეგ”

ამბობს ჩენი, რომელიც 2008 წლის სიჩუანის მიწისძვრის შემდეგ სამაშველო სამუშაოებში მონაწილეობდა, რომლის შედეგად დაიღუპა 70,000-მდე ადამიანი.

კორონავირუსით დაავადებული პაციენტებისთვის დროებითი საავადმყოფოების ორი ახალი ობიექტის მშენებლობა მიმდინარეობს. მსურველებს საავადმყოფოს შენების პროცესს შეუძლიათ ლაივ რეჟიმში ადევნონ თვალი.

24 იანვარს, უხანის მთავრობამ განაცხადა, რომ ააშენებდა 1000-საწოლიან ობიექტს – ხუოშენშანს, რათა ემკურნალათ კორონავირუსის დიაგნოზის პაციენტებისთვის. საავადმყოფოების კომპლექსის პირველი შენობის აღჭურვა, რომელიც მთლიანობაში 25 000 კვადრატულ მეტრს მოიცავს, მხოლოდ 16 საათში დასრულდა.

ქალაქმა ასევე გამოაცხადა 1500-საწოლიანი ობიექტის – ლეიშენშანის საავადმყოფოს მშენებლობა. ხუოშენშანის ობიექტი პაციენტების მისაღებად ორშაბათისთვის იქნება მზად, 3 დღეში კი მას ლეიშენშანის ობიექტი შეუერთდება.

მუშები ობიექტს “ჩინური სიჩქარით” აშენებენ, მიუხედავად იმისა, რომ შენება დროის წინააღმდეგ მიმდინარეობს, მედიცინის მუშაკები და დიზაინერები ამბობენ რომ უზრუნველყოფენ შენობების უსაფრთხოებასა და საიმედოობას.

2003 წელს შვიდი დღის განმავლობაში ნულიდან აშენდა სასწრაფო დახმარების ობიექტი, რომელიც დედაქალაქში მწვავე რესპირატორული სინდრომით, SARS-ით დაავადებული პაციენტების მკურნალობას უზრუნველყოფდა.

უხანის საავადმყოფოები კომპლექსი უკეთესი დიზაინითა და უფრო მაღალი სტანდარტების იქნება, ვიდრე პეკინის 2003 წლის სიაოთანგშანის საავადმყოფო იყო სარსის დროს, ობიექტები მნიშვნელოვან როლს ითამაშებს კორონავუსის წინააღმდეგ ბრძოლაში. ახალი ობიექტები იქნება პროფესიონალური საავადმყოფოები განკუთვნილი სპეციალურად ინფექციური დაავადებებისთვის და არა უბრალოდ, მძიმე პაციენტების მისაღები საკარანტინო განყოფილებები. ისინი უნდა აკმაყოფილებდნენ უმაღლეს სტანდარტებს.

ახალი საავადმყოფოებისთვის საკანალიზაციო განაწილების სისტემების ტექნიკური დირექტორი ფენგ კუანფინგი ამბობს, “რადგან დაავადება ძალზე ინფექციურია, ჩვენი სტანდარტებიც კი უფრო მაღალია, ვიდრე ჩვეულებრივ.”

მან აღნიშნა, რომ მიუხედავად იმისა, რომ სამედიცინო ჩამდინარე წყლების სტერილიზაციის ნორმალური დროა 90 წუთი, ახალი საავადმყოფოების განკარგვის სისტემა მისცემს ხუთ საათს.

ეს სტანდარტები არ ეხება მხოლოდ სამედიცინო ჩამდინარე წყლებს, რადგანაც ჰერმეტული მემბრანა უზრუნველყოფს, რომ წვიმის წყლის გაწმენდაც მოხდეს.

”ორი საავადმყოფოდან გამდინარე წყლის ყოველი წვეთი სტერილიზდება, რათა გვქონდეს გარანტია, რომ ეს არ გამოიწვევს ახალ ინფექციებს”, – განაცხადა ფენგმა.

ამ სფეროში 10 წლიანი გამოცდილების მიუხედავად უხანის პროექტი მისთვის კარიერის ყველაზე დიდი გამოწვევაა. ამ მასშტაბის გადამცემი სისტემების დარსრულებას ჩვეულებრივ მინიმუმ 60 დღე სჭირდება, მაგრამ ამჯერად სამუშაოები 10 დღეში უნდა დასრულდეს.

განვითარებისა და რეფორმების ეროვნულმა კომისიამ ორი ობიექტისთვის გამოყო სპეციალური გრანტი 300 მილიონი იუანი (43 მილიონი აშშ დოლარი).

უხანის ორი ახალი საავადმყოფოს ტექნიკური ნახაზები შედგენილია სულ რაღაც 60 საათში 60 კაციანი დიზაინერთა გუნდის მიერ, მათ შორის ექსპერტებმა, რომლებიც მუშაობდნენ სარსის ეპიდემიის პერიოდში. პროექტში სამუშაოს თითოეული ნაწილისთვის დათვლილია საათები და არა დღეები.

ახალი მონაცემებით ჩინეთში კორონავირუსისგან 243 ადამიანია გამოჯანმრთელებული, სულ დაღუპულია 259 ადამიანი, ჩინეთის ჯანდაცვის კომისიის ინფორმაციით, ვირუსის 2,102 ახალი შემთხვევა გამოვლინდა, რაც იმას ნიშნავს, რომ საერთო ჯამში, ქვეყანაში კორონავირუსით დაინფიცირებულთა რაოდენობამ 11,791-ს მიაღწია.

LEAVE A REPLY