[:ka]ჩინეთის საელჩომ თბილისის N37-ე საჯარო ბაგა-ბაღს საახალწლოდ საჩუქრები გადასცა[:]

[:ka]

დღეს, 19 დეკემბერს თბილისის N37-ე საჯარო ბაგა-ბაღში საზეიმო ღონისძიება გაიმართა.

ზეიმს ესწრებოდნენ ჩინეთის სახალხო რესპუბლიკის სრულუფლებიანი ელჩი საქართველოში ძი იენჩი მეუღლესთან ერთად ჩინეთის სახალხო რესპუბლიკის პოლიტიკური მრჩეველი საქართველოში და თბილისის საბავშვო ბაგა-ბაღების მართვის სააგენტოს ხელმძღვანელი კახაბერ გვანცელაძე და ასევე, პარლამენტისა და თბილისის საკრებულოს წევრები.

საზეიმო ღონისძიებაში მონაწილეობა მიიღეს საჯარო ბაგა-ბაღის აღმზრდელებმა. ბავშვებმა იქ დამსწრე სტუმრებისთვის საახალწო ღონისძიება გამართეს და საჩუქრები მიიღეს.

იქ დამსწრე საზოგადოებას სიტყვით მიმართა ჩინეთის სახალხო რესპუბლიკის სრულუფლებიანმა ელჩმა ძი იენჩიმ. მან მადლობა გადაუხადა ბაგა-ბაღის ხელმძღვანელობას, დამსწრე საზოგადოებას იქ ყოფნისთვის და კიდევ ერთხელ გაუსვა ხაზი “სარტყელი და გზის” ინიციატივის მნიშვნელობას საქართველოსთვის. “იმედი გვაქვს, რომ საქართველო მომავალში კიდევ უფრო დიდ როლს შეასრულებს “სარტყელი და გზის” ინიციატივის ფარგლებში და იქნება მშვიდობიანი დერეფანი მის ფარგლებში. მომავალში ჩვენი საელჩო კიდევ დაეხმარება სხვადასხვა ფორმით N37-ე საჯარო ბაგა-ბაღს და დაუჭერს მხარს, რათა აღზარდონ ღირსეული ადამიანები.” ელჩმა ბაგა-ბაღის აღსაზრდელებს, მათ მშობლებს და სრულიად საქართველოს მიულოცა დამდეგი ახალი წელი და უსურვა წარმატებები.

ღონისძიების დასასრულს, საახალწლოდ ჩინეთის საელჩომ აღნიშნულ ბაგა-ბაღს 22 000 ლარის ღირებულების საჩუქრები გადასცა.

 [:]