[:ka]
ჩინეთის 32 აეროპორტი ყოველწლიურად 10 მილიონ მგზავრს ემსახურება.
“სამოქალაქო ავიაცია ის მნიშვნელოვანი სფეროა, რომელიც აკვირდება და განსაზღვრავს ქვეყნის ეკონომიკურ მოძრაობას. ის ძირითად როლს ასრულებს ჩინეთის ეკონომიკურ და სოციალურ განვითარებაში” – განაცხადა სამოქალაქო ავიაციის ასოციაციის გენერალურმა მდივანმა ლი სიაომეიმ. მან ასევე მომავალი ღონისძიებაც დაანონსა და განაცხადა, რომ 2018 წლის ჩინეთის აეროპორტის განვითარების კონფერენცია – გამოფენა 12 – 13 სექტემბერს გაიმართება, ცენტრალური ჩინეთის ხუნანის პროვინციაში.
აღნიშნული ღონისძიება იმართება ასოციაციის, ჩანგშას მუნიციპალური მთავრობისა და საერთაშორისო საჰაერო ტრანსპორტის ასოციაციის (IATA) ეგიდით. კონფერენციის მთავარი თემაა საავიაციო სივრცეში უახლესი ტექნოლოგიების დანერგვა, საოპერაციო კონტროლი და უსაფრთხოება.
ივნისის მონაცემებით, დღეს ჩინეთში სამოქალაქო ავიაციისთვის 232 აეროპორტი გამოიყენება.
2017 წელს, ჩინეთის სამოქალაქო ავიაციის ინდუსტრიაში საჰაერო მგზავრთა რაოდენობამ 552 მილიონს მიაღწია, რაც წელიწადში 13 პროცენტით ზრდას ნიშნავს.
IATA- ის პროგნოზირებით, 2022 წლისთვის ჩინეთი ამერიკის შეერთებულ შტატებს მსოფლიოს უმსხვილეს სამოქალაქო ავიაციის ბაზარზე სავარაუდოდ გაუსწრებს.
[:]
კომენტარის დატოვება
კომენტარის დასატოვებლად უნდა გაიაროთ ავტორიზაცია.