[:ka]
გაერთიანებული ერების ორგანიზაცია – ჩინეთი მხარს უჭერს გამოძიებას, რომელმაც უნდა გამოიკვლიოს ქიმიური იარაღის სავარაუდო გამოყენება სირიაში.
“ჩინეთი მხარს უჭერს ინციდენტის ინტენსიურ, ობიექტურ და მიუკერძოებელ გამოძიებას, რომელიც დაეფუძნება დასაბუთებულ მტკიცებულებებს. მნიშვნელოვანია, დამნაშავეები და პასუხისმგებელი მხარეები მართლმსაჯულებამდე მიიყვანონ, განაცხადა გაერთიანებული ერების ჩინეთის დელეგაციის მუდმივმა წარმომადგენელმა უ ხაითაომ. ბოლოდროინდელი ქიმიური თავდასხმებისა და მასთან დაკავშირებული სამოქალაქო მსხვერპლის გამო ჩინეთი დიდ შეშფოთებას გამოთქვამს.
“ქიმიური იარაღის შესახებ ჩინეთის პოზიცია თანმიმდევრული და ნათელია: ჩვენ კატეგორიულად ვეწინააღმდეგებით ქიმიური იარაღის გამოყენებას ნებისმიერ სახელმწიფოში, ნებისმიერი გარემოებებით. მსგავსი სახის იარაღის გამოყენება, როგორი სახითაც და სადაც არ უნდა ხდებოდეს უნდა იყოს აღკვეთილი” – განაცხადა უ ხაითაომ.
სირიაში ქიმიური იარაღის საკითხი რეგიონის საკითხის პოლიტიკურ მოგვარებას მჭიდროდ უკავშირდება. “ჩინეთი მხარს უჭერს უშიშროების საბჭოს და ქიმიური იარაღის აკრძალვის ორგანიზაციას, როგორც ქიმიური იარაღის აღკვეთის მთავარ არხს .“
გაერთიანებული ერების ჩინეთის დელეგაციის მუდმივმა წარმომადგენელმა გამოთქვა იმედი, რომ მხარეები კონსტრუქციულ მიდგომას მიმართავენ და კონსულტაციების საფუძველზე მიიღებენ გადაწყვეტილებებს ქიმიური იარაღის გამოყენების რეციდივის თავიდან ასაცილებლად.
[:]
