საქართველო-ჩინეთს შორის დიპლომატიური ურთიერთობების დამყარების თარიღად 1992 წლის 9 ივნისი უნდა მივიჩნიოთ. ჩინეთის სახალხო რესპუბლიკა ერთ-ერთი პირველი სახელმწიფო იყო, რომელმაც აღიარა საქართველოს დამოუკიდებლობა, დაამყარა ჩვენს ქვეყანასთან დიპლომატიური ურთიერთობები, ხოლო 1993 წელს გახსნა საელჩო თბილისში. რაც შეეხება საქართველოს საელჩოს პეკინში, მისი გახსნა შედარებით მოგვიანებით 2005 წელს მოხდა. მსგავსმა ურთიერთობებმა ძლიერი სტიმული მისცა ორ ქვეყანას შორის არსებული ისტორიული და კულტურული ურთიერთობების შემდგომ განვითარებას.
დრესდღეისობით ორი ქვეყნის საგარეო უწყებებს შორის არსებობს რეგულარული პოლიტიკური კონსულტაციების მექანიზმი, რაც წარმოადგენს სხვადასხვა სფეროებში თანამშრომლობას მიმდინარე საკითხთა განხილვის მნიშვნელოვან ფორმატს.
მსგავსმა ფორმატმა კი დიდი გავლენა მოახდინა ჩინეთ-საქართველოს დაახლოებამ სხვადასხვა სფეროში. ბოლო წლების განმავლობაში განხორციელდა ჩინური ინვესტიციების მნიშვნელოვანი ზრდა საქართველოს ეკონომიკაში; 25-მდე ჩინური კომპანია უკვე წარმატებულად საქმიანობს საქართველოში, ისეთ სექტორებში როგორიცაა: მშენებლობა, გზები და ინფრასტრუქტურა, ენერგეტიკა, საბანკო სფერო და სხვა. ასევე, იზრდება ორმხრივი ვაჭრობა და საქართველოში ჩინელ ვიზიტორთა რიცხვი, ვითარდება ურთიერთობები კულტურისა და განათლების სფეროებში. დღეისათვის, ჩინეთი არის საქართველოს ხუთ უმსხვილეს სავაჭრო პარტნიორთა შორის.
