[:ka]”ჩინური ენის ხიდის” საერთაშორისო კონკურსის ქართველი მონაწილის ვინაობა ცნობილია[:]

[:ka]

სამშაბათს, 5 ივნისს  კახა ბენდუქიძის საუნივერსიტეტო კამპუსში „ჩინური ენის ხიდის“ საერთაშირისო სტუდენტური კონკურსის შესარჩევი ტური გაიმართა. ღონისძიება ჩინეთის სახალხო რესპუბლიკისა და თავისუფალი უნივერისტეტის კონფუცის ინსტიტუტის ორგანიზებით გაიმართა.

ჩინეთის შესახებ ესეს წერა, სიტყვით გამოსვლა, კითხვებზე პასუხი და კულტურული ნომერი ის ეტაპებია, რომელიც კონკურსში მონაწილე თითოეულმა წევრმა გაიარა და თანაც დიდი წარმატებით. ღონისძიების მონაწილეები სპეციალურად შერჩეულმა ჟიურიმ შეაფასა და გამარჯვებულიც გამოავლინა.

პირველი ადგილი დაიკავა ივანე ჯავახიშვილის სახელობის თბილისის სახელმწიფო უნივერსიტეტის მეორე კურსის სტუდენტმა ვახტანგ ქაჩიბაიამ. მეორე ეტაპი რიგით მე-17 საერთაშორისო „ჩინური ენის ხიდის“ კონკურსში მონაწილეობაა, სადაც ჩვენი გამარჯვებული საქართველოს სახელით 100-ზე მეტი ქვეყნის წარმომადგენელთან ერთად მიიღებს მონაწილეობას. „ძალიან მიხარია, რომ შესაძლებლობა მომეცა ამ კონკურსში გამომეცადა ჩემი თავისუფალი უნივერსიტეტის კონფუცის ინსტიტუტში დაგროვილი ცოდნა“– განაცხადა მან.

ღონისძიების საპატიო სტუმრების სიაში იყვნენ საქართველოში ჩინეთის სახალხო რესპუბლიკის საელჩოს მრჩეველი ქალბატონი

და თავისუფალი და აგრარული უნივერსიტეტების რექტორი ბატონი ვახტანგ ლეჟავა. სტუმრები სიტყვით წარსდგნენ ღონისძიებაზე დამსწრე საზოგადოების წინაშე და მონაწილეებს წარმატებები უსურვეს.

ბატონმა ვახტანგ ლეჟავამ სიტყვით გამოსვლისას ხაზი გაუსვა, თავისუფალი უნივერისტეტის კონფუცის ინსტიტუტის მნიშვნელობას ჩინეთის კულტურის პოპულარიზაციაში. მან ასევე მადლობა გადაუხადა ჩინეთის სახალხო რესპუბლიკის საელჩოს მხარდაჭერისა და თანადგომისათვის.

[:]