მარტი28 , 2024
კულტურადღესასწაულებიჩინურმა კომპანიებმა საქართველოში გაზაფხულის ფესტივალი აღნიშნეს

[:ka]ჩინურმა კომპანიებმა საქართველოში გაზაფხულის ფესტივალი აღნიშნეს[:]

-

- Advertisment -spot_img

[:ka]

თბილისში, 21 იანვარს, სასტუმროში “Hotels & Preference Hualing Tbilisi”  გაზაფხულის ფესტივალის აღსანიშნავი საღამო გაიმართა.

ჩინეთის სავაჭრო პალატამ საახალწლო საღამოზე საქართველოში მოღვაწე ჩინურ კომპანიებს უმასპინძლა.

„დღეს ჩინური ახალი წელია. საქართველოში მცხოვრები ჩინელები აქ, ჰუალინგის სასტუმროში აღვნიშნავთ ამ დღესასწაულს. მინდა ყველას მივულოცო. ჩინეთსა და საქართველოს დიდი ხნის მეგობრობა აკავშირებთ, ჩვენ ცოტა ხნის წინ ხელი მოვაწერეთ  ორ ქვეყანას შორის თავისუფალი ვაჭრობის ხელშეკრულებას, მიმდინარე წლის 1 იანვრიდან აღნიშნული ხელშეკრულება ძალაში შევიდა, რაც ორი ქვეყნის ეკონომიკისა და ბიზნესის განვითარებას კიდევ უფრო შეუწყობს ხელს“, – განაცხადა ჟურნალისტებთან საუბარში ჩინეთის სახალხო რესპუბლიკის საგანგებო და სრულუფლებიანმა ელჩმა საქართველოში, ძი იენჩიმ.

აღნიშნულ ღონისძიებაზე წარმოდგენილი იყო ჩინური იუმორისტული ნომრები, ჩინური ფოლკლორი, დრაკონისა და ლომის ცეკვა. აღსანიშნავია ისიც, რომ დამსწრე საზოგადოების წინაშე ჩინელები ქართული სიმღერთა და ცეკვით წარსდგნენ, რაც ერთგვარად მიანიშნებს ორ ქვეყანას შორის ჰარმონიულ და მეგობრულ ურთიერთობებზე.

„ეს საღამო გაზაფხულის დადგომის აღსანიშნავი ფესტივალია, რომელიც დღეს დაიწყება და 7 დღე გაგრძელდება. ამ ღონისძებით ჩვენ შევეცდებით გავუზიაროთ ჩვენი ტრადიციები ქართველ მეგობრებს. როგორც იცით, ოფიციალურად 16 თებერვალს ვზეიმობთ ახალი წლის დადგომას, თუმცა, საქართველოშიც ტრადიციისამებრ აღვნიშნავთ ახალ წელს. ვინაიდან საქართველოში მოღვაწე ჩინელები საახალწლოდ სამშობლოში ბრუნდებიან, გადავწყვიტეთ ჩინური ახალი წელი საქართველოში დღეს აღგვენიშნა “, – აღნიშნა საღამოს ორგანიზატორმა, სტივ იუმ.

საზეიმო ნომრების შემდეგ სტუმრებისთვის ოფიციალური საახალწლო ვახშამიც გაიმართა. ღონისძიებას ჩინელი ბიზნესმენები, ჩინეთის სახალხო რესპუბლიკის საელჩო, კონფუცის ინსტიტუტის დირექტორები და მოხალისე მასწავლებლები ესწრებოდნენ, საპატიო სტუმართა შორის იმყოფებოდნენ ქართული მედიის წარმომადგენლებიც.

შეგახსენებთ, რომ ჩინური ახალი წელი, იგივე მთვარის ახალი წელი, ან გაზაფხულის ფესტივალი მოძრავი დღესასწაულია, რომელსაც ჩინელები 2018 წელს 16 თებერვლიდან 2 მარტის ჩათვლით აღნიშნავენ.

[:]

უახლესი სტატიები

ჩინეთის მთავრობის სტიპენდიები 2024

დაიწყო განაცხადების მიღება სასტიპენდიო პროგრამისთვის ჩინეთის სახალხო რესპუბლიკაში (2024-2025). პროგრამა ითვალისწინებს უმაღლესი განათლების საბაკალავრო, სამაგისტრო და სადოქტორო საფეხურებზე, ასევე მეცნიერ-...

ჩინური კულტურის დრაკონი

 დასავლური კულტურისგან განსხვავებით, ჩინურ კულტურაში დრაკონი მითიურ, სასიხარულო და უზენაეს არსებად ითვლება. ჩინურ მითოლოგიაში დრაკონებს უზღვავი ძალა და ენერგია...

ჩინეთის საელჩომ ჩინეთ-საქართველოს მეგობრობის საახალწლო მიღებას უმასპინძლა

ჩინეთის საელჩომ საქართველოში 20 დეკემბერს ჩინეთსა და საქართველოს შორის მჭიდრო კავშირების აღსანიშნავად საახალწლო მიღებას უმასპინძლა. ღონისძიებას 300-ზე მეტი სტუმარი...

ჩინეთის ეკონომიკური ზრდის პროგნოზები 2023 წლისთვის

საერთაშორისო სავალუტო ფონდმა (IMF) შეცვალა ჩინეთის ეკონომიკური ზრდის პროგნოზი 2023 წლისთვის. ოქტომბერში ეს მონაცემი 5 პროცენტი იყო, ნოემბერში კი...

„შუა დერეფანი“ ყურადღების ცენტრში

26-27 ოქტომბერს, თბილისში “აბრეშუმის გზის ფორუმი” მიმდინარეობს. ფორუმის ფარგლებში იმართება ათი თემატური პანელური სესია და პარალელური დისკუსიები საკვანძო სავაჭრო-ეკონომიკურ...

“თბილისის აბრეშუმის გზის ფორუმი” გაიხსნა

26 ოქტომბერს თბილისში “თბილისის აბრეშუმის გზის ფორუმი” გაიხსნა. გახსნის ცერემონია თბილისი ოპერისა და ბალეტის სახელმწიფო თეატრში მიმდინარეობს. ფორუმის გახსნით პანელში...

წაიკითხეთ მსგავსი
რეკომენდირებული სტატიები