[:ka]
10 აგვისტოს, ხუთშაბათს ხანგჭოუს სიხუ (დასავლეთის ტბა) გალერეაში გამოფენა გაიმართა, სახელწოდებით “სამოთხის შვილი: ცინგის დინასტიის იმპერატორ ციენლუნგის გამოფენა”.
გამოფენაზე წარმოდგენილ ექსპონატებს შორისაა საიმპერატორო ტანისამოსი, იმპერატორის ცხოვრების ამსახველი ფერწერული და კალიგრაფიული ნამუშევრები. გამოფენაზე წარმოდგენილი 168 ექსპონატი პეკინის სასახლის მუზეუმიდან არის. მსგავსი სახის გამოფენა არაერთხელ გაიმართა ჩინეთის საზღვრებს გარეთ. სასახლის მუზეუმის გამოფენათა ექსპერტის, მა შენგკანმის განცხადებით აღნიშნული გამოფენა ჯერ-ჯერობით ყველაზე ყოვლისმომცველი და მრავალფეროვანია. “ჩვენ ვიმედოვნებთ, რომ სტუმრები შეძლებენ იმპერატორ ციენლუნგის ცხოვრების თვალნათლივ აღქმას” – განაცხადა მან.
ციენლუნგი ჩინეთის ისტორიაში იმპრატორის ტიტულს ყველაზე დიდი ხნის განმავლობაში ატარებდა. ის საიმპერატორო ტახტზე 1736-1796 წლებში მოღვაწეობდა.
გამოფენა 10 აგვისტოს გაიხსნა და სამი თვის განმავლობაში გაგრძელდება.
კომენტარის დატოვება
კომენტარის დასატოვებლად უნდა გაიაროთ ავტორიზაცია.