თებერვალი1 , 2023
ახალი ამბებიავიამზიდი „შანტუნგი“ საზღვაო წვრთნების ახალ ეტაპს გადის

ავიამზიდი „შანტუნგი“ საზღვაო წვრთნების ახალ ეტაპს გადის

ჩინეთის ავიამზიდმა, „შანტუნგმა“, ჩაატარა საბრძოლო სწავლება სამხრეთ ჩინეთის ზღვაში ჩინეთის პირველი ავიამზიდი „ლიაონინგის“ წვრთნების ფონზე.

-

- Advertisment -spot_img

ჩინეთის მეორე ავიამზიდმა, „შანტუნგმა“, ახლახან ჩაატარა საბრძოლო სწავლება სამხრეთ ჩინეთის ზღვაში, იტყობინება ჩინეთის ცენტრალური ტელევიზია (CCTV). განცხადება გაკეთდა დასავლეთ წყნარ ოკეანეში ჩინეთის პირველი ავიამზიდი „ლიაონინგის“ მოიერიშე თვითმფრინავების წვრთნების ფონზე. ანალიტიკოსების თქმით, ორმა ავიამზიდმა, რომელიც მასპინძლობდა წვრთნებს ორი სხვადასხვა მიმართულებით, აჩვენა ჩინეთის ავიამზიდების გაუმჯობესებული შესაძლებლობები და ჩინეთის სახალხო განმათავისუფლებელი არმიის საზღვაო ძალების საბრძოლო მზადყოფნა.

შანტუნგის ავიამზიდის სწავლება დაიწყო რამდენიმე J-15 მოიერიშე თვითმფრინავის სასწავლო ფრენით, ნათქვამია CCTV-ს მიერ გამოქვეყნებულ ვიდეოში.

სონგ ჭიხაომ, თვითმფრინავის აფრენის ასისტენტმა შანტუნგზე, განუცხადა CCTV-ს, რომ ვარჯიშის სირთულე ამჯერად გაიზარდა.

წვრთნების დროს შანტუნგმა თანდათან გააუმჯობესა ძირითადი საბრძოლო შესაძლებლობები, როგორიცაა დაშვება და აფრენა, საგანგებო სიტუაციებზე რეაგირება და დაზიანების კონტროლი, რთულ გარემო პირობებში. მან ასევე გამოსცადა საგანგებო სიტუაციებზე რეაგირების გეგმები, სასწავლო მეთოდები და დამხმარე მოდელები.

CCTV-ის მიხედვით,შანტუნგის ექსპლუატაციაში შესვლის შემდეგ, განსაკუთრებული ყურადღება ექცევა საზღვაო ბრძოლის მომავლის საჭიროებებს. წარმატებით შესრულდა სხვადასხვა ამოცანა, როგორიცაა J-15 გამანადგურებლების მაქსიმალური რაოდენობის აფრენა ერთად, თვითმფრინავების მაქსიმალური რაოდენობის გაგზავნა რამდენიმე პარტიად და დაშვება და აფრენა ღამით.

სამხრეთ ჩინეთის ზღვაში შანტუნგის წვრთნის შესახებ განცხადება გავრცელდა მას შემდეგ, რაც ჩინეთის ავიამზიდმა ლიაონინგმა და ორმა Type 055 კლასის 10 000 ტონიანმა გამანადგურებელმა, ჩაატარა წვრთნები წყნარი ოკეანის დასავლეთ წყლებში, ტაიავანის კუნძულის აღმოსავლეთითა და იაპონიის სამხრეთით. 2022 წლის დეკემბერში ჩატარებულ ამ ღონისძიებაში, რომელიც ასევე გუამის დასავლეთითაც მიმდინარეობდა, მონაწილეობდნენ ჩინური ავიაგამანადგურებლები და შვეულმფრენები. პროცესი განხორციელდა იაპონიის საზღვაო თავდაცვის ძალების მჭიდრო მეთვალყურეობის ქვეშ.

მას შემდეგ, რაც სამხრეთ ჩინეთის ზღვაში შანტუნგის წვრთნა დაანონსდა, ანალიტიკოსებმა აღნიშნეს, რომ ორივე ავიამზიდის წვრთნების ერთდროულად ჩატარება სხვადასხვა საზღვაო რეგიონში ჩინეთის ავიამზიდების და ჩინეთის საზღვაო ძალების  განვითარების მანიშნებელი იყო. წვრთნები ხელს შეუწყობს სიტუაციის სტაბილიზაციას დასავლეთ წყნარ ოკეანეში და სამხრეთ ჩინეთის ზღვაში, ბოლო დროს აშშ-ის მიერ ჩინეთის წინააღმდეგ განხორციელებული პროვოკაციების გათვალისწინებით, აღნიშნავენ ექსპერტები.

წვრთნების დახმარებით, შანტუნგი, რომელიც საზღვაო ძალების სამსახურში 2019 წლის დეკემბერში შევიდა, მოსალოდნელია, რომ თანდათან მიაღწევს ოპერატიული მზადყოფნის უფრო მაღალ დონეს, საბოლოოდ გადააჭარბებს ლიაონინგის შესაძლებლობებს და სამხრეთ ჩინეთის ზღვის მიღმაც გაცურავს.

უახლესი სტატიები

მსოფლიო სუფთა ენერგიის წარმოების ახალი ეპოქის წინაშეა

ენერგეტიკის საერთაშორისო სააგენტოს განხცადებით, მსოფლიო ენერგეტიკის წარმოების ახალი ინდუსტრიული ხანის წინაშე დგას, რომლის ღირებულება 2030 წლისთვის სამჯერ გაიზრდება და...

“ჩუნძიე” – ჩემი თვალით დანახული გაზაფხულის დღესასწაული

ჩინეთში რომ მოვდიოდი, კარგად ვიცოდი რომ ჩინური ახალი წელი ყველაზე დიდი და გრანდიოზული დღესასწაული იყო ჩინელებისთვის, თუმცა ნანახმა მოლოდინს...

საახალწლო დეკორაციები – ტრადიცია, რომელიც მუდამ უცვლელია

ჩინური ლეგენდის მიხედვით, ყოველწლიურად, საშინელი მონსტრი 年 (ნიენი) ატერორებდა სოფლებს. იგი ყველაფერს მიირთმევდა, კოღოებიდან დაწყებული ადამიანებით დამთავრებული. დროთა განმავლობაში...

ფართო აუდიროტიისთვის უცნობი ფილმები ჩინური კინოინდუსტრიიდან

მას შემდეგ, რაც ჩინეთმა სრულ lockdown-ს თავი დააღწია, ადამიანები თანდათანობით სწავლობენ COVID-19-თან თანაარსებობას, ქვეყნის კინო სექტორმა გამოცოცხლება დაიწყო, თუმცა...

საახალწლო გალა – გაზაფხულის ფესტივალის განუყოფელი ნაწილი

ჩინური ახალი წელი ათასწლიანი ტრადიციების მქონე უძველესი დღესასწაულია. თუმცა, გასაკვირი სულაც არაა, რომ დროთა განმავლობაში ახალი მიდგომები და შეხედულებები...

კულინარიული კულტურა, რომელიც მოდერნიზაციის მიუხედავად არასოდეს გაქრება

ოჯახი ჩინური საზოგადოების საფუძველია, რაც ნათლად ჩანს საახალწლო ვახშმის (年夜饭 / Nián yèfàn), ანუ გამაერთიანებელი ვახშმის (团年饭 / tuán...

წაიკითხეთ მსგავსი
რეკომენდირებული სტატიები