[:ka]
Alibaba – ს დამფუძნებელი ჯეკ მა თვლის, რომ მსოფლიომ ახალგაზრდების წამოწყებულ მცირე ბიზნესებს უფრო მეტი ყურადღება უნდა მიაქციოს.
“მსოფლიო უნდა დარწმუნდეს, რომ მცირე ბიზნესი და განვითარებადი ქვეყნები გლობალიზაციისგან სარგებელს მიიღებენ და ამიტომ ახალგაზრდებს უნდა შესთავაზონ გლობალური პრობლემების გადაჭრის საკითხებში მონაწილეობის მიღების შესაძლებლობა,” – განაცხადა მამ.
ნიუ-იორკში გამართულ Bloomgerg – ის გლობალურ ბიზნეს ფორუმზე, ჯეკ მამ განაცხადა, რომ მსოფლიო ფოკუსირდებოდა ისედაც მსხვილი კომპანიების მხარდაჭერაზე და ეს უნდა შეიცვალოს.
“ მე მჯერა, რომ მცირე შესანიშნავია და მძლავრი.”
მსოფლიო ძირითადად კომპანიების 20% -ს უჭერს მხარს და მათ შორის ფაქტობრივად ყველა მსხვილია. ჯეკ მა მხარს უჭერს დანარჩენ 80%- ზე ფოკუსირებას, რომელსაც აქამდე არ ჰქონია მხარდაჭერა.
“განვითარებადი ქვეყნებიც იმსახურებენ უფრო დიდ ყურადღებას გლობალურ ძალისხმევებში, რათა შეიქმნას უფრო ინკლუზიური, მდგრადი და ჯანსაღი გარემო.”
“მსოფლიოს მხოლოდ G20 და B20 არ სჭირდება, ჩვენ G200 და B200 გვჭირდება.”
თავის გამოსვლაში მან განსაკუთრებული ყურადღება ახალგაზრდების განათლების რეფორმებს დაუთმო, რათა ისინი მოემზადოს მონაცემთა ტექნოლოგიების ეპოქისთვის.
“მათ არ სურთ ინფორმირება, მათ სურთ ჩართულობა.”
ჯეკ მამ განაცხადა, რომ ტექნოლოგიებმა უამრავი სამუშაო გაანადგურა, მაგრამ ამავდროულად სხვა ბევრი შესაძლებლობაც შექმნა.
ქვეყნებმა მსოფლიოს მასშტაბით ბავშვებს უნდა ასწავლონ, რომ ისინი იყვნენ “ინოვაციურები და კრეატიულები” და ამ შესაძლებლობებს მომავალი თაობა გამოიყენებს.
[:]
კომენტარის დატოვება
კომენტარის დასატოვებლად უნდა გაიაროთ ავტორიზაცია.