ჩინური კულტურა ერთ-ერთი საინტერესო და მრავალფეროვანი კულტურაა დღევანდელ მსოფლიოში, საკუთარი მახასიათებლებითა და ნიშით, თუმცა სტატიაში მინდა ათ საინტერესო ფაქტს გავუსვა ხაზი, რომელსაც ჩინეთში მყოფი ადამიანი აუცილებლად შეამჩნევს და ათივე ფაქტის ცოდნა უკეთ დაეხმარება უცხოელს ჩინელებთან კომუნიკაციაში:
1ჩინური კულტურა დღესაც განიცდის კონფუციონური ღირებულებების ძლიერ გავლენას.
მიუხედავად იმისა რომ, კონფუცის დაბადებიდან 26 საუკუნეა გასული, მისი შეხედულებები წესრიგზე, ოჯახზე, მმართველობასა და საზოგადოებაში მიმდინარე ინტერაქციებზე დღესაც აქტუალურია და არ კარგავს მნიშვნელობას.
2ჩინეთი არის ცენტრალური (შუა) სამეფო
ჩინეთის სახელი ჩინურად 中国（zhōngguó） ქართულად ცენტრალურ ან/და შუა სამეფოს ნიშნავს. ცენტრალურობის ფილოსოფია საუკუნეების განმავლობაში რჩებოდა ჩინური პოლიტიკური ელიტის ლეგიტიმაციის ქვაკუთხედად და მას მნიშვნელოვანი როლი აქვს ეროვნული ნარატივის ფორმირების საკითხსა და პოლიტიკურ იზოლაციონიზმში შუა საუკუნეებში.
3ოჯახს ჩინელისთვის ძალიან დიდი მნიშვნელობა აქვს
მიუხედავად იმისა, რომ ბოლო 40 წლის განმავლობაში დასავლური კულტურა საკმაოდ დიდი დოზით შევიდა ჩინურ საზოგადოებაში, ოჯახის კულტი და ნუკლეანური საზოგადოება მაინც მოწოდების სიმაღლეზეა ჩინელისთვის. ის ერთის მხრივ მოგვაგონებს სამხრეთ ევროპულ ოჯახს, თუმცა გაცილებით უფრო მჭიდრო და პასუხისმგებლობითაა გადაჯაჭვული ვიდრე დასავლური ოჯახები.
4მაგიდის ჩოგბურთი და კალათბურთი ყველაზე პოპულარული სპორტის სახეობებებია ჩინეთში
5ჩინური კალიგრაფია ხელოვნების დარგია
ტრადიციული ჩინური კალიგრაფია ხელოვნების დარგი იყო საუკუნეების განმავლობაში და დღესაც ინარჩუნებს აქტუალურობას. ჩინურ კალიგრაფიას ბევრი მიმართულება აქვს და მისი მცოდნე ყოველთვის სარგებლობდა და სარგებლობს საზოგადოებაში დიდი პატივისცემით.
6ჩინური კუნგ ფუს ისტორია 25-27 საუკუნეს ითვლის
კონკრეტულად ძალიან რთულია იმის თქმა, თუ როდის ჩამოყალიბდა ჩინური საბრძოლო ხელოვნება თუმცა მეცნიერები ვარაუდობენ რომ ის ჩინეთის ისტორიაში ე.წ გაზაფხულისა და შემოდგომის პერიოდებს უნდა უკავშირდებოდეს.
7ჩაის სმის სტილი შენ სოციალურ სტატუს აჩვენებს
ჩინეთში ჩაის სმას მთელი რიტუალი აქვს, მისი მცოდნენი კი ძირითადად ელიტარული ჯგუფებიდან იყვენენ, დღეს პოპულარულია ლექციები და მასტერ კლასები ჩაის სმის შესახებ.
8ჩინეთში ყველაზე მრავალრიცხვოვანი ეთნიკური ჯგუფი ხანები არიან
დღეს მოსახლეობის 90 პროცენტს ეთნიკური ხანი შეადგენს, თუმცა მათ გარდა ქვეყანაში ოფიციალურად აღიარებულია 55 ეთნიკური უმცირესობა.
9ჩინურ კულტურაში ტრადიციულ ფესტივლებს დიდი ადგილი უჭირავთ
ალბათ რთულად მოიძებნება პლანეტაზე სახელმწიფო, რომელსაც წლის განმავლობაში იმდენი დღესასწაული და ფესტივალი ჰქონდეს რამდენიც ჩინეთში. დღესასწაულების ხაზი მრავალფეროვანია, ზოგი სიყვარულს ეძღვნება, ზოგიც წინაპართა კულტს, ზოგიც კი უბრალო ცრურწმენის გამო „შოპონგის“ დღეთაა გამოცხადებული.
10
ჩინეთში „საჭმლის კულტი“ არსებობს
ჩინეთში მოხვედრისას თუ ჩინელი გეკითხებათ ისადილეთ თუ არა, ეს სულაც არ არის გასაკვირი, პირიქით ის ამით პატივისცემას გამოხატავს. ჩინურ კულტურაში სადილი ოფიციალური თუ არაოფიციალური ღონისძიებების მთავარი შემადგენელი ნაწილია, განსაკუთრებით თუ საქმე უცხოეულ სტუმარს ეხება.
