„ჩინური ენის ხიდი“ არის საერთაშორისო კონკურსი, რომლის ფინალური ნაწილი ყოველწლიურად ჩინეთში იმართება. კონკურსის გამარჯვებული სტუდენტი მიემგზავრება ჩინეთში და ქვეყნის სახელით 100-ზე მეტი სახელმწიფოს წარმომადგენელთან ერთად მონაწილეობს კონკურსში.

2023 წლის 10 ივნისს, ალტეს უნივერსიტეტში წარმატებით ჩატარდა მე-16 „ჩინური ენის ხიდის“ კონკურსი სკოლის საშუალო საფეხურის მოსწავლეებისთვის და მე-3 „ჩინური ენის ხიდის“ კონკურსი დაწყებითი სკოლის მოსწავლეებისთვის. კონკურსში ჯამში მონაწილეობდა 23 დაწყებითი კლასების მოსწავლე და 13 საშუალო საფეხურის მოსწავლე. შეჯიბრი ხუთ საათზე მეტხანს გაგრძელდა. დაძაბულ კონკურსში გაიმარჯვეს დემეტრე ოქრიაშვილმა (დაწყებითი საფეხური) თბილისის თავისუფალი სკოლიდან და ანდრია კვირიკაშვილმა (საშუალო საფეხური) თბილისის 171-ე საჯარო სკოლიდან. შეჯიბრის წესების მიხედვით, ისინი საქართველოს წარმოადგენენ „ჩინური ენის ხიდის“ კონკურსის ფინალურ ეტაპზე, ჩინეთში.

კონკურსს ესწრებოდნენ საქართველოში ჩინეთის საელჩოს პოლიტიკური მრჩეველი ქალბატონი სიუ ხაიჭენგი, ასევე საელჩოს წარმომადგენელი სიუ ჭონგსინი, საქართველოს განათლების სამინისტროს „ასწავლე და ისწავლე საქართველოსთან ერთად“ პროექტის წარმომადგენელი ქალბატონი თეა, ჩინეთის კვლევების ცენტრის პროფესორი ავთანდილ კიკნაძე, პროფესორი ლიუ კუანგვენი, საქართველოს აბრეშუმის გზის კულტურის ცენტრის საზოგადოებასთან ურთიერთობის დეპარტამენტის საპატიო თავმჯდომარე, ალტეს უნივერსიტეტის მენეჯერი თამთა ნიკოლაძე, საერთაშორისო ურთიერთობების სკოლის დეკანი ანი გვეტაძე, კონფუცის ინსტიტუტის დირექტორი ჭანგ ვენგანგი და ქუთაისის კონფუცის კლასის დირექტორები გიორგი დათუაშვილი და ჭუ ძიენპინგი.

თავის გამოსვლაში მრჩეველმა სიუ ხაიჭენგმა მიმოიხილა ჩინეთისა და საქართველოს ურთიერთობების ისტორია და წინა „ჩინური ენის ხიდის“ შეჯიბრებების მონაპოვარი. მან აღნიშნა, რომ ჩინეთიც და საქართველოც უძველესი ცივილიზაციების მქონე ქვეყნებია, ორ ხალხს მეგობრობის დიდი ისტორია აქვს და „სარტყელი და გზის“ ერთობლივმა ინიციატივამ საოცარ შედეგებს მიაღწია. მან ხაზგასმით აღნიშნა, რომ ქვეყნებს შორის ურთიერთობა მდგომარეობს ხალხთა მეგობრობაში, ხოლო ხალხებს შორის მეგობრობა სულიერ კავშირში იმალება. ჩინეთ-საქართველოს მეგობრული და თანამშრომლური ურთიერთობების სიღრმისეული განვითარების ფონზე, ჩინური ენის სწავლა უფრო მეტ პოტენციალს წარმოქმნის მომავალი განვითარებისთვის. მან მოუწოდა კონკურსანტებს გამოიყენონ ენა, როგორც ხიდი ჩინური კულტურისა და ჩინეთის განვითარების უკეთ გასაგებად და გახდნენ ელჩები ჩინეთსა და საქართველოს შორის თანამშრომლობის ხელშეწყობისთვის. მან ახსენა, რომ საქართველოში ჩინეთის საელჩო მუდამ მზადაა იმუშაოს ქართველებთნ, განსაკუთრებით ახალგაზრდებთან და დაეხმაროს მათ ჩინური ენის შესწავლაში, რაც თავისმხრივ, ხელს შეუწყობს ჩინეთსა და საქართველოს შორის კულტურულ გაცვლასა და კულტურულ ინტეგრაციას.

დაწყებითი სკოლის კონკურსი ორ ნაწილად იყოფოდა: ჩინურ ენაზე სიტყვით გამოსვლა და ტალანტ შოუ. სიტყვით გამოსვლის თემა იყო „ჩინური, სიხარული და გართობა!“. კონკურსანტებმა ისაუბრეს თავიანთ ისტორიაზე, გაუზიარეს დამსწრე საზოგადოებას ენის შესწავლის გამოცდილება და გამოხატეს თავიანთი დიდი ინტერესი ჩინეთის მიმართ. ტალანტ შოუს სეგმენტში კონკურსანტებმა წარმოაჩინეს მათი ჩინური კალიგრაფიის, ფერწერის, სიმღერისა და ცეკვის უნარები.

საშუალო საფეხურის კონკურსი სამ ნაწილად დაიყო: სიტყვით გამოსვლა, ვიქტორინა და ტალანტ შოუ. წლევანდელი კონკურსის თემაა „იფრინე მაღლა ჩინეთთან ერთად“. მოსწავლეებმა ისაუბრეს მათ სიყვარულზე ჩინეთის მიმართ და სურვილზე გააგრძელონ ჩინური ენის შესწავლა.

კონკურსი საქართველოში ჩინეთის საელჩოს წარმომადგენელმა სიუ ჭუნგსინმა შეაჯამა. მისი თქმით, ძალიან შთამაგონებელია ამდენი ახალგაზრდა კონკურსანტის ხილვა, რომლებმაც უკვე ბევრი რამ ისწავლეს. „ჩინური ენის ხიდი“ აშენებს მეგობრობის ხიდს ჩინელ და ქართველ ხალხებს შორის, რომლის მიზანია ჩინური ენის პოპულარიზაციის ხელშეწყობა და ჩინური კულტურის წინსვლა. მან გამოთქვა ჩინეთის საელჩოს მზადყოფნა. ხელი შეუწყოს ქართული და ჩინური კულტურის მოყვარულებს, ისწავლონ ჩინური ენა და დავეხმაროთ ჩინეთსა და საქართველოს შემდგომ განვითარებაში.

თავის დასკვნით სიტყვაში, ალტეს უნივერსიტეტის კონფუცის ინსტიტუტის ჩინელმა დირექტორმა ბატონმა ჭანგ ვენგანგმა მადლობა გადაუხადა ჩინეთის საელჩოს საქართველოში და ალტეს უნივერსიტეტს მხარდაჭერისთვის. მისი თქმით, კონფუცის ინსტიტუტი გააგრძელებს შრომას, განვითარებას და მუდმივად ხელს შეუწყობს ჩინური ენის სწავლებას და ჩინური კულტურის გავრცელებას, შექმნის კარგ პლატფორმას კულტურის მოყვარულთათვის და დადებით წვლილს შეიტანს ჩინეთ-საქართველოს კულტურულ გაცვლაში.

მუსიკის ფონზე კონკურსი წარმატებით დასრულდა. პროფესორმა ლიუ კუანგვენმა, ბატონმა სიუ ჭონგსინმა და სხვა სტუმრებმა სათითაოდ გადასცეს ჯილდოები გამარჯვებულებს და გადაიღეს ჯგუფური ფოტო ამ მომენტის აღსანიშნავად.