2023 წლის 16 თებერვალს, თბილისის სახელმწიფო უნივერსიტეტის ჰუმანიტარული მეცნიერებების ფაკულტეტზე აკრედიტაცია გაიარა „შორეული აღმოსავლეთის რეგიონმცოდნეობის“ პროგრამამ. პროგრამას მიენიჭა ძირითადი საბაკალავრო საგანმანათლებლო სტატუსი ორი სპეციალობით – სინოლოგია და იაპონისტიკა.
ეს საქართველოს ისტორიაში პირველი შემთხვევაა, როდესაც სტუდენტებს შეუძლიათ სინოლოგიის ძირითად სპეციალობად არჩევა. აღნიშნული პროგრამა, ჩინური კულტურის, ისტორიისა და ენის შესწავლის კუთხით უნიკალურ პერსპექტივას იძლევა.
სტუდენტებს მიეცემათ შესაძლებლობა გაეცნონ და შეისწავლონ აღმოსავლეთ აზიის კულტურები.
